எங்கட படுகையும் திரிவேணி அதிராவும்:)

 ஸ்ஸ்ஸ்ஸ்ஸ்ஸ் யோகாச் செய்யும்போது ஆரும் டிசுரேப்பு பண்ணக்குடா:))

நான் எவ்ளோ கவனமாக "க்" கன்னா வந்திடாமல் எழுதினேன் தெரியுமோ?.. ஏனெண்டால் "படுக்கை" எனப் போட்டிட்டால் அர்த்தமே மாறிடுமே கர்ர்ர்:). எங்கள் வழக்கப்படி படுக்கை எனில் ரெண்டு அர்த்தம் இருக்குது.

ஒன்று, நித்திரைக்காக பாய் விரித்து பெட்சீட் விரித்து போடுவதற்குப் பெயர் படுக்கை விரிப்பு என்போம். இப்போ குழந்தையை தோழில் தூக்கி நித்திரை எனில், ஒருக்கால் படுக்கையை விரிச்சு விடுறீங்களோ கிடத்தப் போகிறேன் என்போம்.

அடுத்த படுக்கை என்பது,

1. அவர் இப்போ ஒரு மாதமாகப் படுக்கையாகிட்டாராமே..

2. கவனமாக நடந்துவா வழுக்குது, விழுந்தால் படுக்கையில் போட்டிடும்

3. இந்தமுறை எனக்கு காச்சல் வந்து படுக்கையில எல்லோ இருந்தனான்..

இப்போ புரியுதோ, உடம்பு முடியாமல் எழும்ப முடியாமல் இருப்போரையும், வாதம், முறிவு வந்து படுத்திருப்போரையும்.. படுக்கையில் இருக்கினம் என்போம்.

                 அதனால அதிரா "க்" போட்டிட்டால், எனக்கும் கெட் வெல் சூன் அதிரா எனக் கார்ட் அனுப்பிப்போடுவினமாக்கும் கர்ர்ர்ர்ர்ர்ர்ர்ர்:)).

சரி சரி இப்போ மற்றருக்கு வாறேன்:)... இந்த "படுகை" என்பது, கீதாவின் போஸ்ட் மூலம்தான் அறிஞ்சேன், புதுச்சொல் இது எனக்கு. அதன் பின்னர்தான் தெரியும் எங்கள் வீட்டுக்கு அருகிலும் அழகான படுகை இருக்கே, அப்போ படமெடுத்துப் போடலாமே என.. இனிப் படங்கள் பார்க்க முன்...

==================::::::::::ஒரு குட்டி இடைவேளை:)::::::::===============

இது அஞ்சு..., அஞ்சு மாசக் கொயந்தையாக இருந்தபோது எடுத்தது... பாருங்கோ அஞ்சு அப்பவே இப்படி:).. அதிரா அப்போ பயத்தங்காய் போல இருப்பேனாக்கும்[இப்பவும்தேன்:)] ஹா ஹா ஹா..

=====================================================

இனிப் படுகைப் படங்கள் பார்ப்போமா... இஞ்ச பாருங்கோ எங்கடவீட்டு ஏரியா முழுவதும், நடக்க சைக்கிள் ஓட என ரோட்டோரமெல்லாம் அழகாக ரோட் போட்டிருக்கும், இதிலதான் அதிரா சைக்கிள் ஓடுறனான்...:).. இது மெயின் ரோட்...

இப்படியே சுற்றிச் சுற்றி பார்க்போல இருக்குது

இங்கு மக்கள்ஸ் பலரும் சாப்பாடு கொண்டுவந்து பறவைகளுக்குக் குடுப்பினம்.. நானும்தேன்.. வாத்து, புறாக்கள் இருப்பார்கள்..

இதில் ஒரு பெரீஈஈய பொண்ட் இருக்கு, இங்கு கூஸ்கள் நிறைய இருப்பினம், இன்று படமெடுத்தபோது காணவில்லை அதிகம், மரங்களுக்குள் இருந்து, ஆட்களைக் கண்டதும் பறந்து வருவினம் உணவுக்காக...

அந்த பொண்ட்டை அப்படியே பெரிய நீரோடையாக்கி விட்டிருக்கினம் சுற்றிக் கொண்டு வரும்...

அப்படியே இந்தப் படுகைக்கு வரும், இதிலும் ஒரு பொண்ட் இருக்குது, 

இவை நாணல்கள்தானே???

இங்கு காடைகள் இருக்கினம், கோமதி அக்காவின் போஸ்ட் மூலம் தான் கண்டுபிடிச்சேன் இவை ஸ்கொட்லாந்துக் காடைகள் என:))

அப்படியே தொடர்ந்து நடந்தால்....

இஞ்ச பாருங்கோ.. அதிரா 6 ஐ விட்டாலும்:), 6 அதிராவை விடாதாக்கும்... ஆறு ஓடுகிறது இங்கும்..

இதைப் பாருங்கோ, ஒருவித அடுக்குமல்லிகை போல இருக்கு, கடையில் வாங்குவதெனில் அதிக விலை, நடக்கும் இடத்தில் ரோட்டோரத்தில் அடர்த்தியாக இருந்தது, கொப்பு எடுத்துவந்து நட்டேன், வந்தால் சுவாமிக்குப் பூ:), இல்லை எனில் பூமிக்கு உரம்:)

இந்தப் புதினத்தைப் பாருங்கோ:), 4,5 வருடங்களுக்கு முன், கிரிஸ்மஸ் கிவ்ட்டாக இந்த குட்டி ஹவுஸ், டெய்சிக்கு குடுத்தோம், ஒருநாள் கூட அதில் இருந்ததில்லை, பழுதாகிடாமல் கராச்சில் பத்திரமாக இருந்தது. இப்போ எடுத்து இந்த டெக்கில் வச்சால், ஓடிப்போய் ஏறி இருந்து, வெளியே பார்க்காமல், உள்ளே மம்மி என்ன பண்ணுறா எனப் புதினம் பார்க்கிறா கர்ர்ர்ர்ர்ர்:))

இஞ்ச பாருங்கோ அதிசயம் ஆனால் உண்மை, 2 வருடமாகும் என்றார்கள் ஆனா வச்ச உடனேயே குருத்து வந்து பூவும் வந்திருக்குதே...பிளம் ட்றீ..

இது என் கார்டின் வீடியோவில் காட்டினேனே, பேப்பிள் பீன்ஸ் என, இஞ்ச பாருங்கோ அதன் அழகை, பூத்துப் பிஞ்சும் எவ்ளோ அழகா வந்திருக்குது...

இதுதான் நாங்கள் எடுத்துவந்த கங்கை தீர்த்தம், அடியில் பாருங்கோ மண் படிஞ்சிருக்குது...

இதைப் பாருங்கோ இப்போ சுடச்சுட எடுத்தேன், இரவு 10.40 மணி நேரம், எவ்ளோ வெளிச்சமாக இருக்கு. சூரியன் மறைவது 11 மணிக்குத்தான், பின் வீட்டுக்காரர் வெளி லைட்ஸ் எல்லாம் போட்டுவிட்டுப் படுத்து விட்டனர். யூன் யூலை மாதம் எல்லாம் இப்படித்தான் இங்கிருக்கும்.

இம்முறை படங்களாலேயே போஸ்ட் நிரம்பிவிட்டது.. இத்துடன் நிறைவு செய்கிறேன்...

ஊசிக்குறிப்பு:

ஊசி இணைப்பு: ஹா ஹா ஹா:)

==================_()__()__()_===============

	Tweet