💖என்றென்றும் 16 போலே...👸

இருப்பது எங்கள் நாடே:))

ஐயா வாங்கோ அம்மா வாங்கோ பெரியக்கா வாங்கோ, சின்னக்கா வாங்கோ, அண்ணா வாங்கோ.. தம்பி வாங்கோ.. இங்கின எனக்கு தங்கைமார் ஆரும் இல்லையாக்கும்:)). வலதுகாலை வச்சு உள்ளே வாங்கோ.. வெளிநாட்டுப் படங்களைத்தான் இதுவரை போட்டேன், எங்கள் நாட்டுப் படம் ஒன்றுகூடப் போட்டதில்லை.. இது ச்ச்ச்சுமா ஒரு சாம்பிள்தான் பாருங்கோ.. :).. “உரலுக்குள் தலையைக் குடுத்திட்டீங்கள்:), இடிக்குப் பயந்தால் முடியுமோ?:)” படம் பார்க்கத்தான் வேணும்:), கொமெண்ட்ஸ் போடத்தான் வேணும்:)) தப்பி ஓட முடியாது:))

இங்கு ஸ்கொட்லாந்தில் அதிகமாக இருப்பது ஆறு, மலை தாண்டி.., பழைய அரண்மனைகளும் மியூசியங்களுமே அதிகம்., பார்க்க மெய் சிலிர்க்கும் அளவுக்கு அருமையாகப் பேணிப் பராமரித்து வருகின்றனர்... அங்கு ராஜா உலாவிய பாதை,  அவர் படகில் சென்று கடலினுள் இறங்கும் பாதை, ராஜாவின் அரண்மனையைப் பாதுகாப்பதற்காக, தூர மலையில் குட்டிக் கட்டிடம் இருக்கும்.. தூர இருந்து வரும் எதிரிகளைக் கண்காணிப்பதற்காக கட்டியதாம்.. இப்படி ஒவ்வொரு castle இலும் ஒவ்வொரு கதை உண்டு...

இது Stonehaven எனும் இடத்தில் அமைந்துள்ள காசில்.. இதன் பெயர்.. Dunnottar Castle.. விருப்பமிருப்போர் தேடி, வரலாறு படிக்கலாம். இங்கு சொன்னால், போஸ்ட் பெருத்துவிடும்...

இது எதிர் மலையில் ஏறி எடுத்தேன் படம்...சீகல்ஸ் பறக்கினம் தெரியுதோ மேலே?

ஆடுகள் மேய்வது தெரியுதோ?:)..

காசிலின் மலை அடிவாரம்

இது எவ்ளோ தூரத்தில் தெரியுது பாருங்கோ.. நேரில் பார்க்கும்போது பெரிய பள்ளத்தாக்கில் ஏறி இறங்குவது போலிருந்தது.. 

ஒரு 200 படிகளுக்கு கிட்ட இறங்கி பின்பு திரும்ப ஏறினால்தான் காசிலிருக்கும் மலைக்குப் போகலாம்..

காசில் அமைந்திருக்கும் மலையின் அடிப்பகுதியில் இது இருக்கு.. மலையைக் குடைந்து பாதை எதிரே கடலுக்குள் போகிறது.. வெள்ளை வட்டமாகத் தெரிவது எதிரே இருக்கும் கடல்..வீடியோவில் நன்கு தெரியுது.

 மலைப்பாறைகள்கூட ஒருவித அழகு...

இங்கு ஸ்கொட்லாந்தில் இருக்கும் அழகின் சீக்ரெட் என்னவெனில்.. காடு, வயல்வெளிகளில்கூட புல் பூண்டுகள் எல்லாம் விதம் விதமாகப் பூத்திருக்கும் ஏதோ பூங்கா போலவே இருக்கும் கண்ணுக்கு..

இது தரையாலே தண்ணி ஓடி வந்து[ஓடைபோல] இந்தப் பள்ளத்தாக்கில் பாய்வது மிக அழகு.. அந்த பாயும் இடத்திலும் ஏறிப்பார்க்கலாம், மக்கள் போவது தெரியுதோ.. இங்கு கிட்டத்தட்ட 3,4 மலைகள் குட்டிக் குட்டி இடைவெளியில் இருக்கு....

இது அங்கிருந்த அழகிய பிங் பூக்கள்.. ஆசையில் படமெடுத்திட்டேன்..

இதென்ன தெரியுதோ? இப்போ எங்கள் வீட்டில் நாம் வளர்க்கும் கூஸ்பெரி[வெளிநாட்டு நெல்லி].. இது காசிலுக்குப் போகும் பாதையில் காட்டுக்குள் நின்றதே நிறையக் காய்ச்சிருக்கு.. ஒருவேளை 13ம் நூற்றாண்டில் இக்காசிலில் வாழ்ந்த அரசன் வளர்த்ததாக இருக்குமோ?:)).. நான் ஜம்ப் பண்ணி பிடுங்க வெளிக்கிட்டேன்ன்ன்.. ஹையோ அது என்ன நச்சோ தெரியாது போகாதீங்கோ என  திரும்பவும் ஒரு “ஜிங்கத்தை” பாய விடாமல் கட்டிப் போட்டு விட்டனர் கர்ர்ர்ர்ர்ர்:))

இது அங்கு கிட்டவாக இருந்த ஒரு அழகிய கடற்கரை.. நன்கு நடக்க ஓட அழகாக பாதை அமைக்கப்பட்டிருக்கு... ஆனா அந்நேரம் ஒரே மழையும் காத்துமாக இருந்தது..

அஞ்சூஊஊஊ நீங்க காசிக்கு வராவிட்டால் பறவாயில்லை:), நான் அம்முலுவை அல்லது கீதாவைக் கூட்டிப் போகிறேன்:).. ஆனா அதுக்குப் பதில் இங்கு வாறீங்களோ?:) அதிராவோட சேர்ந்து கடல்ல குதிச்சுக் குதிச்சு வெளாடலாம்ம்:))

ஆஆஆஆஆ பொயிண்ட்டுக்கு வதாச்சு:) நேரமில்லை பிறகு பார்க்கிறேன் என[அதிராவைப்போல:)] சாட்டுச் சொல்லிட்டு ஆராவது பார்க்காமல் ஓடினால்...:) இரவிரவாக நித்திரை கொள்ள விடாமல் நுளம்பு மூக்கைக் கடிக்கும் அதுவும் தொடர்ந்து 30 நாட்களுக்கு சொல்லிட்டேன்ன்:).. யோசியுங்கோ, முப்பது நாட்களோ மூணு:) நிமிசமோ என?:))... ஹா ஹா ஹா:).. பாருங்கோ பிளீஸ் நல்லாயிருக்கு:).

இது, காசில் அமைந்திருக்கும் மலைக்கு எதிர்மலையில் நின்று எடுத்த வீடியோ..

இது காசில் மலையில் ஏறி, அதன் அருகாமையில் இருந்து எடுத்தது, கீழே கடற்கரை தெரிகிறது.. இங்கிருந்து இன்னும் இறங்க வேண்டும் கடல் அருகே போக.. என் இரு கையையும் பிடிச்சு.. போகாதீங்கோ போகாதீங்கோ என இழுக்கத் தொடங்கி விட்டனர்.. ஒரு சிங்கத்தை[சிங்கம் சிறுத்துத்தான் பூஸ் ஆனதாம்:))] அடக்கி விட்டனர் கடலருகில் போக விடாமல்:))

ஊசிஇணைப்பு:

இன்றைய ஊசிக்குறிப்பில் இடம்பெற இருப்பவர்.. படியுங்கோ புரியும்:)).. 

காசில் பார்த்துவிட்டுச் சாப்பிடுவதற்காக ஒரு இண்டியன் ரெஸ்ரோரண்ட் போனோம்... அங்கு பக்கத்து மேசையில் சாப்பிட வந்திருந்தவர்கள் ஒரு தமிழ்க் குடும்பம்.. காதில் தமிழ்ப் பாசை கேட்டதும் எனக்கு நாக்கு பரபரத்தது.. கைகள் துடித்தது.. கண்கள் ஆடியது.. ஆஆஆஆஆ தமிழ் தமிழ் எனச் சொன்னபடி சாப்பிட்டு முடித்ததும், பொறுக்க முடியாமல் பேச்சுக் கொடுத்தேன்.. அவர்களுக்கும் மகிழ்ச்சியோ மகிழ்ச்சி.. தமிழ்க் குரல் கேட்க எவ்ளோ சந்தோசமாக இருக்கு என்றனர்.. அவர்கள் அங்கு வந்து 2 வருடங்கள்தானாம்.. சரி வரலாறு இங்கு முக்கியமில்லை பொயிண்ட்டுக்கு வருவோம்.. எனக்குப் பாருங்கோ அலட்டுவது பிடிக்காது:)).

அந்தச் சோடியில் கணவர் தஞ்சாவூராம்.. எனக்கு தமிழ்நாடு முழுக்கலும் தெரிஞ்சமாதிரி ஒரு பில்டப்பூக் குடுக்க வெளிக்கிட்டு:).. துரை அண்ணனை விசாரிக்கலாம் எனில்.. அவரின் சரியான இடம் தெரியாமையால்:)).. சரி போகட்டும் என மனைவியைக் கேட்டபோது அவ சொன்னா “திருச்சி” என... ஆஆஆஆஆஆ திருச்சியில் எவடம் என்றேன்.. உச்சிப் பிள்ளையார் கோயில் வீதியிலதான் எங்கட வீடு என்றா.... ஆஆஆஆஆ கிட்ட நெருங்கிட்டா, நான் கதிரை நுனிக்கே வந்திட்டேன்:).. எங்கட “குண்டுக் கோபு அண்ணன்” :) இப்போ மாட்டி என நினைச்சுக் கேட்டேன்ன்.. முழுப்பெயர் சொல்லி... இல்ல எனக்குத் தெரியாது என்றிட்டா:)).. சே..சே.. சேம் ஆகிப்போச்ச்ச்ச்:))..

 இதுக்குத்தான் கோபு அண்ணனை எப்பவும் வீட்டுக்குள்ளேயே அடைஞ்சு இருக்காமல்.. கோயில் வீதியில உலாவுங்கோ அப்போதானே ஊருக்குள் தெரியும் எனச் சொன்னால் அவர் எங்கே கேட்கிறார் இதை எல்லாம் கர்ர்ர்ர்:)) ஹா ஹா ஹா.

ஊசிக்குறிப்பு:

அதிராவின் படம் காட்டும் தொல்லைகள்:).. 

இப்படி அடிக்கடி டொடரும்:) நன்றி_()_

*****************************

	Tweet