“கொரொனா” மிக்ஸர், “கொரொனா” ரவ்வைப் பக்கோடா

ஹா ஹா ஹா என்ன தலைப்புப் பார்த்துப் பயந்திட்டீங்களோ?:)).. இருமினாலும் தும்மினாலும் இப்போ பயப்பிடுவதே எல்லோருக்கும் வேலையாப்போச்சு கர்ர்ர்ர்ர்:))... கொரொனா ஹொலிடேயில எல்லோரும் இருக்கும்போது, அடிக்கடி பசிக்கும் எல்லோ?:), அப்போ அதுக்காக இப்படி டக்குப் பக்கெனச் செய்யக்கூடிய ஸ்நக்ஸ், செய்து அசத்திட்டேன்[பின்ன நம்மள நாமளேதானே புகழோணும்:)]... சரி சரி இந்நேரத்தில ஓவராப் பேசப்பிடாது:))..

இப்பூடியே தொங்கிட்டால்:) நம்மளை கொரொனா 

நெருங்காதாக்கும்:)) பூஸோ கொக்கோ:))

இங்கின ஒரு விஷயம் சொல்லிடுறேன், மிக்ஸர் நீண்ட நாள் வைத்துச் சாப்பிடலாம் கூடச் செய்தால், ஆனா இந்தப் பக்கோடா, உடன் சாப்பிடத்தான் நல்லது, வைத்துச் சாப்பிட்டால் கடினமாகிடும்.

ஓகே இப்போ அதிராவின் கை வண்ணத்தில் உருவான அழகிய:), சுசியான:), கெல்த்தியான:), இன்ஸ்டன்ஸ் மிக்ஸர்...

தேவையான பொருட்கள்:

வெள்ளை அவல் ஒரு கப் 

பொட்டுக்கடலை முக்கால் கப்

சோயாக் கடலை அரை கப் 

கச்சான் அரை கப், 

தேவைக்கு ஏற்ப சில்லி பவுடர், உப்பு, கறிவேப்பிலை, 2,3 பல்லு உள்ளி.

நடுவில இருப்பது:) அது யும்ம்ம்ம்மா:))

ஒண்ணும் பண்ணத் தேவையில்லை, அப்படியே தனித்தனியே பக்குவமாகப் பொரிச்சு எடுங்கோ, பொரித்தெடுத்ததும், உடனே உடனே  அது..அதுக்கு மேலே சில்லிப் பவுடரையும் உப்பையும் கொஞ்சமாகப் போட்டு, பிரட்டி விடவும், இப்போ எண்ணெய் வடிவதற்கு என பேப்பர் ஏதும் போட வேண்டாம், அந்த எண்ணெய்ச் சூட்டில் கிளறும்போதுதான் மிளகாயின் காரத்தன்மை, பச்சைத்தன்மை போகும்.. இப்படி அனைத்தையும் பொரித்தெடுத்துப்போட்டு.. 

பின்பு அனைத்தையும் ஒரு பெரிய பாத்திரத்தில் போட்டு நன்கு பிரட்டியபின்  எண்ணெய்த் தன்மை இருப்பின், இப்போ கொஞ்ச நேரம் கிச்சின் பேப்பரில் போட்டு விடவும்...

ஸ்ஸ்ஸ்ஸ்ஸ் ஆஆஆஆஆஅ அதிராவின் சுவைமிக்க கொரோனா மிக்ஸர் ரெடீஈஈஈஈஈ:))..

=====================இடைவேளை===================

அப்பா... ஐயா.. லாஃபிங் புத்தாவே🙏.. சைனாவில இருந்து ஆரம்பிச்ச கொரொனாவிலிருந்து, நம் மக்கள் எல்லோரையும் காப்பாத்துங்கோ ஜாமீஈஈஈஈ.. எனக், கீரை வடை செய்து படைச்சிருக்கிறேனாக்கும்:))

சேப் சரியாக இல்லையே எனத்தானே ஓசிக்கிறீங்க:)) அது சுடச்சுடவே நல்ல நல்ல சேப் எல்லாம் போயிந்தி எலிகள் வருகையால:))

=================================

ஆங்ங்ங்ங்ங் அடுத்து அதிராவின் கொரோனாப் பக்கோடா பார்ப்போமா:)).. இது வந்து பாருங்கோ ஸ்பெஷல் பக்கோடாவாக்கும்.. ஈசியோ ஈசி, சுவையோ சுவை, நான் இதைச் செய்து போட்டு யும்மா இருப்பனோ?:)).. உலகமெல்லாம் அனுப்பினேனா:)), ரெசிப்பி சொல்லு என இன்று காலையில இருந்து ஒரே ஃபோன் கோல்தான் பாருங்கோ:)). எல்லோருக்கும், வீட்டில் நிற்பதால வாய் மசமச எண்டெல்லோ இருக்கும்:)), இப்பூடிச் செய்து படம் அனுப்பினால்ல்.. தாமாகவே தேம்ஸ்ல குதிச்சிடுவினம் ஹா ஹா ஹா:))

சரி எல்லோரும் வாய்க்கு:)) மாஸ்க் போட்டுக் கொண்டு வந்து நில்லுங்கோ ரெசிப்பி ஜொள்றேன்:)..

ரவ்வை ஒரு கப், பிளேன் ஃபிளவர் கால் கப், உப்பு, சில்லி ஃபிளேக்ஸ் இவ்ளோதான் மற்றர்:)).. 

எங்கும் அதிரா A:) எதிலும் அதிரா A:))

கொஞ்சமாக தண்ணி சேர்த்து நல்ல ரொட்டிபோல குழைச்செடுத்து.. உருண்டைகளாக்கி, சப்பாத்திபோல தட்டையாக உருட்டி எடுத்து, இப்பூடி கத்தியால ஸ்டைல் ஸ்டைலா வெட்டி எடுங்கோ..

இப்படி எடுத்து வைத்துப்போட்டு, அடுப்பில் எண்ணெயைக் கொதிக்க விட்டு, ஸ்லோ ஃபயரில பொரித்தெடுங்கோ... கட் பண்ணியபின், நீண்ட நேரம் விட்டால் காய்ந்துவிடும்.

ஸ்ஸ்ஸ்ஸ்ஸ் பாருங்கோ மொறு மொறு என எவ்ளோ யூப்பர்ர்... நடுவில் கொஞ்சம் உடைத்துப் பெரிதாக்கிக் காட்டியிருக்கிறேன், ஏனெனில் எவ்ளோ கிரிஸ்ப்பியாக இருக்குது என்பதைக் காட்டவே:))

இன்று ஒரு தகவல்:-

இந்த மேசைத்திருவலகை எத்தனைபேர் பாவிக்கிறீங்கள்?.. நான் பிறந்து, நினைவு தெரிஞ்சதிலிருந்து, இதைத்தான் பாவிக்கிறோம், இப்போ இங்கும் வைத்திருக்கிறேன், தேங்காய் வாங்கி வந்து, உடனேயே திருவி, ஃபிறீஸர் பாக்குகளில் போட்டு ஃபிறீஸ் பண்ணி விடுவேன்.

------------------------------------------------------------

அவன் வகுத்ததை நாம் மாற்ற முடியுமா?:)).. 

நமக்கு அளந்ததுதான் அளவு:))

ஊசி இணைப்பு:-

எல்லோரும் பெரும்பாலும் பார்த்திருப்பீங்கள், இருப்பினும் மீண்டும் பார்த்துச் சிரிச்சால் ஆயுள் கூடுமாம்ம்:)) ஹா ஹா ஹா..

ஊசிக்குறிப்பு

கொரொனா இணைப்பு:)

கில்லர்ஜி கேட்டிருந்தார்,  கொரொனா நிலைமை பற்றி எழுதலாமே என:)).. 

எல்லோரும் கொரொனா கொரொனா எனக் கேட்டுக் காது கண் எல்லாம் புளிச்சுப் போயிருப்பீங்கள்:)), அதனால அதுபற்றிப் பேசவில்லை நான்:)..

(((((((((((((((((_()_))))))))))))))))

	Tweet