நெக்ஸ்ட் குவெஸ்ஷன் பிளீஸ்ஸ்ஸ்:)))

கேள்வி கேட்டல்
கேள்வி கேட்கிறதெண்டால் என்ன பெரிய விஷயமோ, 2 வயது குழந்தைகூட பல கேள்விகள் கேட்குதே என நாம் நினைப்பதுண்டு. ஆனா சமீபத்தில பூஸ்:) ரேடியோவில சொன்னார்கள், கேள்வி கேட்பதென்பது சாதாரண விஷயமில்லையாம். கேள்வி கேட்பதுதானாம் மிகப் பெரிய விஷயம்.


  “ஒரு விடயம் பற்றி எடுத்துக் கொண்டால், அதில் கேள்வி கேட்கும் திறமையைப் பொறுத்துத்தானாம், பதில் சொல்பவரின் திறமை தங்கியிருக்கு”. அதாவது, கேள்வி கேட்பவர் புத்திசாலியான கேள்வியாகக் கேட்டால்தான், பதில் சொல்பவரும், குப்புறக்கிடந்து, கிட்னியை யூஸ் பண்ணி, புத்திக்கூர்மையான அறிவுபூர்வமான பதிலைச் சொல்வாராம்.

மொத்தத்தில, ஒரு பதிலின் அழகு, கேட்கப்படும் கேள்வியிலேயேதான் தங்கியுள்ளதாம்.

ஒரு ஊரில் ஒரு சாமியார் இருந்தாராம், அவரிடம் மக்கள் சென்று, பல சந்தேகங்களுக்கு விளக்கம் கேட்டனராம், சாமியாரும் நல்ல நல்ல விளக்கமான பதில்கள் கூறி மக்களை மகிழ்வித்துக் கொண்டிருந்தாராம். இதை அறிந்த ஒரு பொறாண்மைக்காரருக்குப் பொறுக்கவில்லையாம்:), சாமியாரை கேள்வி கேட்டே மடக்கிட வேண்டும் என எண்ணி, ஒருநாள் போனாராம்.

போனவர், சாமியாரைப் பார்த்துக் கேட்டாராம்,
“சாமி!!! நீண்ட நாளாக எனக்கிருக்கும் சந்தேகத்தை, நீங்கதான் தீர்த்து வைக்க வேண்டும், என் சந்தேகம் என்னவென்றால், இந்தப் பரந்திருக்கும் கடலெல்லாம் தீப் பிடித்தால், கடலிலுள்ள மீன்களெல்லாம் என்ன பண்ணும்?” என.

அதற்கு சாமியார், பட்டெனப் பதில் அளித்தாராம்..
“கடலெல்லாம் தீப் பிடித்தால், மீன்களெல்லாம், அருகிலுள்ள மரங்களில் ஏறிவிடும்” என.

கேள்வி கேட்டவர், மீண்டும் கேட்டாராம், “ என்ன சாமி சொல்றீங்க? மீன்களெல்லாம் எப்படி மரமேறும்? என்று.

சாமியார் சொன்னாராம்,  “கடல் தீப்பிடிக்குமேயானால், மீன்களும் மரமேறுவது உறுதி” என.(ஏனெனில் இரண்டுமே சாத்தியமில்லாத விடயங்கள்).

முடிவு என்னன்னாஆஆஆ....
புத்திசாலியான கேள்வி கேட்டால், புத்திசாலியான பதிலை எதிர்பார்க்கலாம், அதே நேரம் விகடத்தனமான கேள்வியைக் கேட்டுவிட்டு, புத்திசாலியான பதிலை எதிர்பார்க்க முடியாது...

எனிவே... சே..சே.. ஒரு எழுத்தால சரித்திரமே மாறிடும்போல இருக்கே:)))... எனவே, இனிமேல் நீங்கள் எப்படியான பதிலை எதிர்பார்க்கிறீங்களோ, அதுக்குத் தகுந்தமாதிரி கேள்வி கேட்கப் பழகுங்க மக்கள்ஸ்ஸ்ஸ்:)))).

 <><><><><><><><><><><><><><><><><><><><><><><>

சும்மா சிரிச்சுக்கொண்டு ஓடாமல், கொஞ்சம் சீரியசாக இறுக்கி அமத்துங்கோவன் ஆக்‌ஷிலலேட்டரை:), கூட்டத்தோடு பொல்லுத் தூக்கிக்கொண்டு துரத்தி வாறமாதிரி ஒரு ஃபீலிங்ஸாக்கிடக்கு எனக்கூஊஊஊஊஊ:))))

<><><><><><><><><><><><><><><><><><><><><><><>

ஊசி இணைப்பூஊஊஊஊஊஊஊஊஊஊஊ:)

இதூஊஊஊ எப்ப தொடக்கமாக்கும்?:), நான், கண் + நாடியைக் கேட்டேன்:)))

<><><><><><><><><><><><><><><><><><><><><><><>

அமைதி:

சமீபத்தில் ஒரு புத்தகம் வாசிக்கையில், பிடித்துப்போன அமைதிபற்றிய விளக்கம்.

அமைதி என்பது... அன்பு செலுத்துவது, விரும்புவது, ஆறுதல் அளிப்பது, நட்பை வளர்ப்பது என்பனவற்றுக்காகவே தவிர, வெறுப்புக்காக அல்ல.

<><><><><><><><><><><><><><><><><><><><><><><>

	Tweet