எனக்குப் பிடிச்சதெல்லாம்... உங்களுக்குப் புய்க்குமோ?:):)

நான் பாருங்கோ பெரும்பாலும் எல்லாத்திலயும் டிபரண்ட்டான ஆளாகவே இருப்பேன்:). அது நான் நினைத்து நடப்பதில்லை, அது அப்படித்தான்:).. அதுபோலவே சின்ன வயதிலிருந்து சின்னச் சின்ன விஷயங்களிலும் நான் கொஞ்சம் மாறுபட்டே காணப்பட்டு வந்திருக்கிறேன்... அதுக்காக “லூஸாக்கும்” என, அவசரப்பட்டு முடிவெடுத்திடாதீங்கோ கர்ர்ர்ர்ர்:)).

எனக்கு சின்னனிலிருந்தே, கயர்த் தன்மையான உணவுகளில் நல்ல விருப்பம். அதாவது எப்படிப்பட்டதெனில்... குரும்பட்டி ....  தேங்காய் வரமுன் பூ வரும், பின்பு குட்டிக்காய் வரும் அதுதான் குரும்பட்டி.... அது பெருத்து தேங்காய் ஆகும், அந்தக் குரும்பட்டி ஒருவித கயர்த்தன்மையாக இருக்கும், அது சாப்பிடப் பிடிக்குமெனக்கு.

வாழைப்பொத்தி(பூ), வெட்டிக்கொண்டு(கெத்திடுவதெனச் சொல்வோம் எம் பாஷையில்) போகும்போது, உள்ளே வெள்ளைக் குருத்தாக வரும் அதுவும் சாப்பிடப் பிடிக்கும்(இப்பவும்தான்:)). தென்னங் குருத்து, தாமரைப் பூவில் இருக்கும் பருப்பு... இவையெல்லாம் ஒரீரு தடவை ஆரோ தந்து சாப்பிட்டிருக்கிறேன்ன் அதெல்லாம் பிடிக்குமெனக்கு.

இப்படித்தான் எனக்கு 6:) வயதாக இருந்தபோது, ஒருநாள், எங்கள் வீட்டில் சமைக்கும் மண் பாத்திரம் உடைந்துவிட்டதாம், கொஞ்ச நேரத்தில் என் சத்தம் ஏதுமில்லையாம், என்னைக் காணவில்லையாம், அம்மா பயந்திட்டா, பயத்தில எல்லா இடமும் தேடினால், நான் கிச்சின் கதவுக்குப் பின்னால், கதவு திறந்திருப்பின், சுவரோடு ஒட்டினால் ஒரு இருட்டிடம் வருமெல்லோ அந்தச் சுவரோடு மூலையில் ஒளித்து நின்று, அந்த உடைந்த மண்பாத்திரத்தின் ஒரு துண்டைக் கடித்துக் கொண்டு நின்றேனாம்:))... ஹையோ இது அதிராதானா?:).

சரி எனக்குப் பிடித்த பண்டங்கள் இங்கு கிடைப்பது குறைவு, ஆனாலும் பெரும்பாலும் எம்மிடம் வருவோர், இவற்றை வாங்கி வரத் தவறுவதில்லை.
சரி பட்டும் படாமலும், ஏன் இதை இப்போ சொல்கிறேன் என்றால்:)) என்னிடம் ஆராவது வரப்போறீங்கள் எண்டால்ல்ல்.... அதிராவுக்கு என்ன வாங்கிப் போகலாம் என யோசிக்கவே தேவையில்லை, இவற்றை வாங்கி வந்தால் போதும்...
வெள்ளை நிற மல்லிகையோ...
வேறெந்த மாமலரோ....
உள்ளக் கமலமடி உத்தமனார் வேண்டுவது....

எனக்குப் பொன் வேண்டாம்..
பொருள் வேண்டாம்ம்ம்..
இவைதான் வேணும்:):):).

கனடாவில் வாங்கி வந்து, இங்கு அவித்தேன்.. இது பனங்கிழங்கு... 

பனாட்டு, புழுக்கொடியல் எல்லாமே பிடிக்கும். எப்பவுமே என்னிடம் புளுக்கொடியல் இருக்கும்.. இப்பவும் இருக்கு:).

இது sweet tamarind..., China விலிருந்து வருவன, புளி என்றால் எனக்கு நல்ல விருப்பம்.

இப்படியான, விதம் விதமான கத்தரிக்காய்கள், சுண்டங்காய், தும்பங்காய்.... அனைத்து வகையுமே விருப்பம்ம்ம்ம்ம்.. இது கனடாவிலிருந்து காவி வந்தேன்:)... அண்ணன் பார்த்திட்டுச் சொன்னார், சுமைகூலி தான் அதிகம் கொடுப்பாய் என:).

இது என்ன தெரியுமோ? புளியம்பழத்தில் இருக்கும் விதையை எடுத்து பத்திரப் படுத்தி வைத்து, அவணில் போட்டு வறுத்தெடுத்தால், இப்பூடி சூப்பராக இருக்கும், பல் உடைந்திடும் கவனமாகச் சாப்பிடோணும், இது பொழுது போகாத நேரம், படிக்கும் நேரங்களில் வாயில் போட்டிருந்தால்.. பொழுது போயிடும்:)).. எனக்கும் ரொம்பப் பிடிக்கும், ஆனா உடலுக்கு நல்லமில்லையாம், எனவே ஒளிச்சு வச்சுத்தான் சாப்பிடுவேனே:) எங்கிட்டயேவா:).

இத்தோடு அவித்த சோளன்:)))). இன்னும் நிறையவே சொல்ல இருக்கு, ஆனா இவை கொஞ்சம் வித்தியாசமானவை என்பதால சொன்னேன்.

ஊசி இணைப்பு:

வந்ததுதான் வந்தீங்க... இதையும் ருசிச்சு ட்ரை பண்ணிப்பாருங்கோ... செய்யவும் சுலம்பம், சுவையும் அதிகம். ஒரு சென்னைக் குடும்பம் வீட்டுக்குப் போயிருந்தபோது, அவ சொன்னா பாயாசம் செய்ய வெளிக்கிட்டேன், பார்த்தேன் சவ்வரிசி, சேமியா எதுவும் இல்லை, அதனால டக்கென இதைச் செய்தேன் என்று.

தே.பொ:

குஸ்குஸ் - 1 கப்

பசுப்பால் - 21/2 கப்

சுகர் - 1/2 கப்

கஜூ +பிளம்ஸ்.

                     

குஸ்குஸ் ஐ மெல்லிய நெருப்பில் 5 நிமிடங்கள்  வறுக்க வேண்டும், பின்பு பாயாசம் செய்வதுபோலவே, அடுப்பிலே பாலை சூடாக்கி, நன்கு கொதித்ததும் சுகர் போட்டு, குஸ்குஸ் ஐக் கொட்டிப் பிரட்டிக் கொண்டிருக்கவும்.  கஜூ பிளம்ஸ்  சேர்க்கவும். பொங்கலாக இப்படி வரும்..  இறுகி வந்ததும் அடுப்பால் இறக்கவும்.. குஸ்குஸ் பொங்கல் ரெடி.எனக்கு இந்த முறைதான் பிடிச்சிருக்கு, முடிஞ்சால் செய்து பாருங்கோ.

ரிப்ஸ் இணைப்பு:
*கறிவேப்பிலையை வாங்கியவுடன் ஒரு கடதாசிப் பை/என்வலப்பில் போட்டு உடனேயே பிரீஸ் பண்ணி விட்டால், அப்படியே பசுமையாக இருக்குது:)).. எனக்கொரு டவுட்டூ:) இதை முன்பும் சொல்லியிருக்கிறேனோ?:)).

*பிரிஜ்ஜில் தேசிக்காய்க் கோதுகளைப் போட்டுவிட்டால், எந்த விதமான வாசமும் வராது.

===========================================

புரிந்து கொண்டவர்களைப் பிரிந்து செல்ல முயற்சிக்காதே!!

பிரிந்து சென்றவர்களைப் புரிந்துகொள்ள முயற்சிக்காதே!!

===========================================

	Tweet