அதிராவின் "சிக்கின் சமோசா"..

சாப்பிட வாங்கோ.. வாங்கோ வாங்கோ.. அனைவரும் வாங்கோ:)

அதிராவோ கொக்கோ..:)

எத்தனை நாள்தான், நானும் சமோசா செய்ய வெளிக்கிட்டு, எப்படி மடிப்பதெனத் தெரியாமல், பன்னாக்கி(bun) முடிச்ச கதை சொல்லுவது?:).. இப்படியாக நொந்து போய்.. சமோசாவே வாணாம் என முடிவெடுத்தவேளை.. அஞ்சு அழகா செய்து போட்டிட்டா:).. விடுவனோ நான்:) பொயிங்கிட்டேன்ன்ன்:)..

ஆனா உண்மையில அஞ்சுதான் பல வழிமுறைகள் சொல்லி.. பஞ்சாபி அங்கிளைப் பார்க்க வச்சதால:) ஐ மீன் ஊ ரியூப்ல:) அவர் செய்யும் செய்முறையைச் சொன்னேன்:)... மீயும் பஞ்சாபி சமோசாவே செய்தேன். அவர்கள்தான் சுருளாகச் செய்து மடிப்பார்களாம். அது எனக்கு இலகுவாக இருந்துது.

இதற்காக நான் கறிக்குப் பயன் படுத்தியது. சிக்கின், உ.கிழங்கு, லீக்ஸ் வெங்காயம், மிளகாய்த்தூள் உப்பு.

வெங்காயம் வதக்கி,பூண்டு இஞ்சி சேர்த்து, அதனுள் சிக்கினைப் போட்டு, தண்ணி சேர்க்காமல் நன்கு வதக்கி, பின் கொஞ்சம் தண்ணி விட்டு அவியவிட்டு, தூள் உப்பு சேர்த்து, கறிப்பதமாக பிரட்டலானதும், லீக்ஸ் சேர்த்து.

சிறிது நேரத்தில் குக்கரை ஓவ் பண்ணி, அவித்து வைத்திருந்த கிழங்கைச் சேர்த்து பிரட்டி, கொஞ்சம் அஜீனோமோட்டோ போட்டேன். கிடைக்கவில்லையாயின் லைம் யூஸ் சேர்க்கோணும்.

பிளேன் ஃபிளவருக்கு, கொஞ்சம் பேக்கிங் சோடா, ஒரு முட்டை, நெய் கொஞ்சம் சேர்த்து அளவாக தண்ணி சேர்த்து ரொட்டிப் பதமாக குழைத்து....

முட்டை அவித்து, குட்டியாக அதை வெட்டி எடுத்து... அனைத்தையும் ரெடியாக்கியபின்..

மாவை சிறு உருண்டையாக்கி, இப்படி உருட்டி எடுக்கவும் ஓரளவு மெல்லிசாக..

ஏதாவது இரு பக்கத்தை எடுத்து இப்படி சுருள்போல ஆக்கி, கையிலே தூக்கி வைத்து நன்கு அழகாக்கி ஒட்டிவிடவும், தானாகவே நசித்து விட ஒட்டிவிட்டது, அதுக்காக எதுவும் பாவிக்கவில்லை நான்.

பின்பு கறியை நன்கு உள்ளே அடைத்து, வெட்டிய முட்டைத் துண்டுகளை அங்கங்கு வைக்கவும்...

பின்பு மேல் பகுதியை மூடி அமத்தி விட்டால், தானாக ஒட்டிக்கொள்ளும்.. இப்போ சமோசா ஷேப் தெரிகிறதா?:).. ஆவ்வ்வ் அதிராவுக்கும் வந்திட்டுதூஊஊஊஊஊ.. சமோசா செய்யவதுதான்ன்:).

இந்தாங்கோ ஆளாளுக்கு ஒண்ணு:).. ஆஆஆ அப்பூடியே சாப்பிடப்பூடா:) பொரிக்கோணும் வெயிட்:).

-----------------------------------------------------------
இடைவேளை
-----------------------------------------------------------

-----------------------------------------------------------
தொடர்கிறது...
-----------------------------------------------------------

பின்பு பார்க்கிறேன் ஸ்ரவ் முடிந்துவிட்டது, ஆனா மா கொஞ்சம் மிஞ்சிவிட்டது.. விடுவேனோ நான்ன்... ஜல் அக்கா(பார்த்த ஞாபகம் ஆனா லிங் தேடினேன் கிடைக்கவில்லை), ஆசியா  இவர்கள் வீட்டில பார்த்து கண்ணால படமெடுத்து வைத்தது நினைவுக்கு வரவே... டக்கென பரோட்டா ஆக்கிட்டேன்ன்ன்ன்:)) இது எப்பூடி?:)..

படம் பார்த்துப் புரிஞ்சுகொள்ளுங்கோ:)..

ஊசிக்குறிப்பு:)

வெள்ளையாக வர விருப்பமோ? -- கரட் சாப்பிடுங்க..

கறுப்பாக வர விருப்பமோ? - ச்ச்ச்சோ சிம்பிள்:)--- கரட் சாப்பிடாதீங்கோ:)

=========================================================

இந்த தேம்ஸ் நதிக் கரையில, நான் இருக்கும், குட்டிக் கருங்கல்லின் மீது சத்தியமாக:), இதோ என் முன்னால் விசில் சத்தத்தோடு பறக்கும் இந்த தேன்பூச்சி மீது ஆணையாக:), அதோ அந்தக் கல்லிலே இருக்கும் குட்டி இலையான் மீது சத்தியமாக:) நேற்று எனக்கு கடித்த நுளம்பின் மீது சத்தியமாக:).. இதை நான் எங்கேயும்..  ஆரோ இருவருடைய புளொக்கிலிருந்தும் களவெடுத்து வரவில்லை:).. 

வேர்க்க விறுவிறுக்க நானே எடுத்து வந்தேன்.. ஐ மீன்.. நானே கஸ்டப்பட்டு செய்து.. சொறி அது டங்கு ஸ்லிப்பாச்சு:) தேடி எடுத்து வந்து போட்டிருக்கிறேன் என்பதனை.. இந்த சபையோர் சாட்சியாக சொல்லிக் கொள்கிறேன்ன்:) எப்பூடி அழகா இருக்கோ?:.

=========================================================

	Tweet