ஒரு கிடாயின் கருணை மனு:)

இது என்ன தலைப்பே புதுசா இருக்கே எனத்தானே ஓசிக்கிறீங்க:).. இப்போ சமீபத்தில, இந்தமாதம் தானாக்கும் வெளி வந்த கிடாய்:)...
சினிமா விமர்சனம் எழுதி கனநாளாகுதே.. அதிராவுக்கு சினிமா விமர்சனமும் எழுதத்தெரியும் என நினைச்ச நீங்களெல்லாம்,.. இப்போ மறந்திருப்பீங்களே.  என்ன இது நீண்ட நாளாகுதே.. அதிராவின் விமர்சனத்தைக் காணல்லியே எனும் கவலையில் இருப்பீங்க:).. அக்கவலையைப் போக்கவே இவ் விமர்சனம்:).

நான் எப்பவுமே தலைப்பு நல்லா இருந்தால் மட்டுமே உள்ளே போவேன்,  அப்படித்தான், இது தலைப்பு வித்தியாசமாக இருக்கே எனத் திறந்து,பார்க்கத் தொடங்கினால், 2 மணி நேரம் எப்படி ஓடியதென்றே தெரியவில்லை.. அவ்ளோ விறுவிறுப்பாகப் போச்சுது.

சரி மட்டருக்கு:) வருவோம். நடிகர்கள் பெயர் கேய்க்கக்கூடாது ஆரும்:) அதெல்லாம் தெரியாது... தெரிந்தவர்கள் எனச் சொல்லும் அளவுக்கு யாரும் இல்லை.. இருவர் மட்டுமே கொமெடிக்கு வருவோர் அதில் இருக்கிறார்கள். எழுத்து ஓடி முடிஞ்சுதா:)... படம் ஆரம்பம்...

நல்ல அழகிய கிராமப்புறச் சூழலில் ஒரு குடும்பத்தில் மகனுக்கு திருமணமாகி மருமகளை வீட்டுக்கு கூட்டி வந்திருக்கினம்.

வீட்டில் இருக்கும் வயதானோருக்கு, குறிப்பாப் பாட்டி மாருக்கு வேலை, ஆ எண்டாலும் ஊ எண்டாலும் கடவுளுக்கு நேர்த்தி வச்சுப் போடுவினம், பின்பு அதைச் செய்யச் சொல்லி நம்மை விடமாட்டினம்:).

அப்படித்தான் இந்த வீட்டுப் பாட்டியும் கலியாணம் நல்லபடி முடிஞ்சால் வீட்டில் வளர்க்கும் கிடாயை, தங்கள் குல தெய்வமான ஐயனாருக்கு, கிடாய் அடிச்சு தம் ஊர் மக்களைக் கூட்டிச் சென்று சமைச்சுக் குடுப்பதாக நேர்ந்திட்டா(இக்காலத்திலும் இவ்வழக்கம் இருக்கோ தெரியல்ல வியப்பாகவும், மிக கஸ்டமாகவும் இருந்துது)....ok ..நோ கார்ட் பிலிங்ஸ்.. தொடர்ந்து படிங்கோ:)

அதிகாலை எல்லோரும் எழுந்து குளிச்சு வெளிக்கிட்டு, ஒரு ட்றக் ஹயர் பண்ணி, அதில் அந்த ஊர்க்காரர் எல்லோரும் கிட்டத்தட்ட 30,35 பேர் ஏறி, கிடாய்ப்பிள்ளையையும் ஏத்தியாச்சு.. அத்தோடு சமையல் பாத்திரங்கள், இட்லி அவிக்க, உப்புமா செய்ய என, ஒரு தொகை உணவுகள் ... கிட்டத்தட்ட ஒரு சுற்றுலாவைப்போல ரெடியாக்கியாச்சு.

முன் சீட்டில், ட்றைவரோடு பொண்ணையும் மாப்பிள்ளையையும் ஏத்தியாச்சு... ட்றைவர் ஓடிக்கொண்டிருக்கிறார்... முழுக்க முழுக்க காட்டுப்பாதை, காடு தவிர வேறேதும் இல்லை. இடையில்
புதுப்பெண்ணுக்கு ஒரு ஆசை வந்து, தன் கணவரை ஓட்டச் சொல்லிட்டா, கஸ்டகாலம் அவர் ஓடும்போது, சைக்கிளில் வந்த ஒருவர் முன் ரயரோடு அடிபட்டு இறந்து விடுகிறார்... .

ஆளுக்கு அடிபட்டதாகவோ அல்லது காயமோ இல்லை ஆனா இறந்துவிட்டார். உடனே எல்லோரும் கீழே இறங்கி, பார்த்தால் அக் காட்டில் நடுவில் ஒரு 4 கால் மண்டபம் போல ஒன்று இருந்தது, பிரயாணிகள் தங்கிச் செல்வதற்கான ஒரு மண்டபம்..., அதில் எல்லோரும் போய் இருந்து, அக் கிடாய்ப்பிள்ளையையும் காட்டில் கட்டிக் குழை சாப்பிட விட்டாச்சு.

படம் முழுவதும் அக்காட்டிலேயே எடுக்கப்பட்டிருக்கு, கொமெடிக்கு அளவில்லை... நல்ல இன்றஸ்ரிங்காகவும் கொமெடியாகவும் போகிறது படம்,,,

இப்போ பிரச்சனை, அந்த உடலை என்ன பண்ணலாம் என்பதுதான், அதிகாலை வெளிக்கிட்டு, இப்போ இரவாகிட்டுது, அந்த மண்டபத்திலேயே உப்புமா செய்து எல்லோரும் சாப்பிட்டாச்சு. எல்ல்லோரும் கூடி, அந்த உடலைப் புதைச்சுப்போட்டுப் பேசாமல் போய் விடலாம் என முடிவெடுத்து, உடலைத் தூக்கிக்கொண்டு நடுக்காட்டுக்குள் போய், கிடங்கு வெட்டிய வேளை... யாரோ வரும் அரவம் கேட்டு எல்லோரும் சிதறி ஓட, இருவர் மட்டும் உடலையும் தூக்கிக் கொண்டு மீண்டும் மண்டபத்துக்கே வந்தாச்சு:)..
விடிய விடியக் காவல் இருந்து ஒரு உறவுக்கார வக்கீலை அழைக்கின்றனர்...

வக்கீல் வந்து சூப்பராக ஐடியாக்கள் கொடுப்பார்... ஒரு வக்கீல் எப்படி எல்லாம் சிந்திப்பார் என்பது அழகாகக் காட்டப்படுது.... அந்த உடலை ஓரிடத்தில் ஒளித்து வைத்து விட்டு, இருவர் இருவராக ரேன் எடுத்துப் பாதுகாப்பார்கள்..

அதுக்குள் குட்டிக் குட்டியாக நிறையச் சம்பவங்கள் அத்தனையும் நகைச்சுவை.... இடைக்கிடை அந்தக் கிடாயையும் காட்டுவினம்:)...
முடிவில் 2 நாட்களாகி கோயிலுக்கும் போக முடியாமல் பொலிஸ் வந்து அனைவரையும் அப்படியே ட்றக்கில் ஏற்றி பொலிஸ் ஸ்டேஷன் அழைப்பார்கள்...

அப்போ பாட்டி கத்துவா, நேர்ந்த கிடாயை திரும்ப வீட்டுக்கு எடுத்துப் போகக்கூடாது தெய்வக் குற்றமாகிடும், அதனால அவிட்டு விட்டிட்டு வாங்கோ என:)... கிடாய் காட்டில் அவிட்டு விடப்படும்:)...

குற்றவாளி புதுமாப்பிள்ளைதானே.. அப்போ முடிவு என்ன என்பதைக் கறுப்புத்:) திரையில் பார்த்து மகிழவும்... இடையில் ஒரே ஒரு கட்டம் அந்த இறந்தவரின் தாய் வந்து அழும் காட்சி மட்டும் கொஞ்சம் குறைத்திருக்கலாமோ என நினைக்கிறேன்.. தாய் அழும்போது ஊரே கூடி அழும்...

படம் பார்க்க விரும்புவோர் என்னை நம்பிப் பார்க்கவும்:) சூப்பரான காட்டுப்பகுதி, முழுக்க முழுக்க நகைச்சுவை... சரி பார்த்திட்டு பிடிக்காவிட்டால் என்னைத் தேட வேண்டாம்.. இனி என்னைக் கண்டு பிடிக்க முடியாதே:)  விரதம் இன்றோடு முடிஞ்சுதே... நாளை பாறணை:).. இனி நான் தேம்ஸ் லதான் ஒளிப்பேன்:)..

ஊசிக்குறிப்பு:
என் கொம்பியூட்டர் இல்லாமையால், என்னால வழமையான போஸ்ட் போல போட முடியவில்லை, அதனால தவறுகள் இருப்பின் மன்னிக்கவும்...  நீண்ட காலம் ஆகுதே என நினைச்சே கஸ்டப்பட்டு இதைப் போடுகிறேன்..

ஊசி இணைப்பு:

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

"உங்களுக்குப் பேசவும் சிரிக்கவும் நேரமில்லை எனில், நீங்கள் கட்டாயம் தவறாக வாழ்ந்து வருகிறீங்கள்"... ippadikku :புலாலியூர்ப் பூஸானந்தா

&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&&

	Tweet