தக்காளி “காய்” வெள்ளைக்கறி..

வாங்கோ வாங்கோ எல்லோரும் வாங்கோ சுடச்சுடச் சுவையான டிஷ்:) உங்களுக்காகவே கனடாவில் இருந்து இறக்குமதி செய்து, சமைச்சுக் காட்டியிருக்கிறேன்.. ஆனா ஸ்ஸ்ஸ்ஸ்ஸ்ஸ் ஆரும் டச்சூப் பண்ணக்கூடாதூஊஊஊஉ பிக்கோஸ்ஸ்ஸ் இது அதிராவின் கன்னிக் கறீஈஈ:)).

ஸ்ஸ்ஸ்ஸ் ச்சும்மா டிசுரேப்புப் பண்ணினால் தேம்ஸ்ல தள்ளி விட்டிடுவேன்:)..  “ ............” வைப்போல பின்னால இருந்து பார்த்துக் கொண்டிருக்கோணும் நல்ல பிள்ளையாக:)

நான் உங்களுக்கு எங்கெல்லாமோ சொல்லியிருந்தேன் தானே, தக்காளிக்காயில் அக்கா ஆட்கள் அண்ணன் ஆட்கள் எல்லாம் இப்படி வெள்ளைக்கறி வைத்து, சுவையாக இருக்கு என வெறுப்பேத்தினார்கள் என, அதனாலேயே இந்த சமரில் தக்காளி நட்டேன் அது குட்டிக் குட்டியாக ஏதோ ஆசைக்கு காய்ச்சுதே தவிர, கறி வைக்குமளவுக்கு வரவில்லை.

இந்நேரம் பார்த்து அண்ணன் செப்டெம்பரில் வருகிறேன் என்றார், உடனே நான் சொன்னது உங்கள் வீட்டுத் தக்காளிக்காயில் கொண்டு வாங்கோ என.. அதனால கொண்டு வந்திருந்தார், இது அவர்கள் வீட்டுச் செடி..

அவர்கள் வீட்டில் காய்த்த மிளகாயும் கொண்டு வந்திருந்தார்.

காய் வெட்டினால் உள்ளே இப்படி கட்டியாக இருந்துது, இதுதான் கறி வைக்க நல்ல பதம், இன்னும் முத்தினால் கறி தண்ணியாகிடும்.

இப்படிக் கட் பண்ணி, வெங்காயம் பச்சை மிளகாய் உப்பு போட்டு கால் டம்ளர் அளவில் தண்ணி விட்டு அவிக்கோணும். நல்ல பிஞ்சுக்காய் எனில் பெரிதாக நீர்க்காது, முத்தி விட்டால் தண்ணியாகிடும், அப்படி ஒருவேளை முத்தின தண்ணிக் காயாக இருப்பின், ஒரு வாழைக்காயையும் வெட்டிச் சேர்த்து அவிக்கவும்.

கறி அவியும்போது பச்சைப் பழப்புளி வாசம் கமகம என வந்துது, வாயில் சுவையும் அதே பச்சைப்பழப்புளிச் சுவை..

அவிந்ததும் இப்படி மசிக்கவும்...

மசித்த பின், முதல் பால் சேர்க்கவும்.. ஒரு அரை டம்ளர் அளவாவது சேர்க்க வேணும்.. நான் பசுப்பால்தான் சேர்ப்பது வழக்கம்.[தேங்காய்ப்பால் ரின் வாங்கி இடைக்கிடை பாவிப்போம், மற்றும்படி பசுப்பால்தான்]

கொதித்ததும் கறிவேப்பிலை சேர்த்து இறக்கினேன், நீங்கள் இன்னும் கொஞ்சம் சுவையைக் கூட்ட விரும்பினால், கறிக்கு தாளிக்கும் முறையில், கடுகு வெங்காயம் செத்தல் கறிவேப்பிலை “திருவமாறு” பண்ணிக் கொட்டி விடலாம்.. ஆவ்வ்வ்வ்வ்வ்வ்:))

எப்பூடி கறி சுவையாக இருக்குதோ? டக்குப் பக்கெனச் செய்து எனக்குப் படம் போடுங்கோ:) ஹா ஹா ஹா[நினைப்புத்தான் புழைப்பைக் கெடுக்குமாமே.. இன்னும் ஆருமே பூசணி இலை சுண்டல் செய்யவில்லை, நினைவிருக்கட்டும் அதிரா:)]

========================================================

 “இதைப் படிக்கும் நான், உடனேயே செய்து பார்த்து, அதிராவுக்குச் சொல்லுவேன் என, அந்த காசித் தீர்த்த இடது பக்கக் கரையில் இருக்கும் நீலப்பாசி படர்ந்த கல்லின் மேல் அடிச்சு ஜத்தியம் செய்கிறேன்:)”...

ஆவ்வ்வ்வ்வ்வ்வ்வ்வ்வ்வ்வ் எல்லோரும் ஜத்தியம் பண்ணிட்டீங்க இனித் தப்பவே முடியாதாக்கும்.. பூஸோ கொக்கோ:) செய்திடுங்கோ. இல்லை எனில் “காசி” க்குத்தமாகிடும்ம்ம்ம்ம்ம்:)) ஹா ஹா ஹா.

========================================================

இது என்ன தெரியுதோ? ஊரிலிருந்து மாமா மாமி பார்சல் அனுப்பியிருந்தார்கள், அதில் இவற்றையும் வைத்திருக்கினம், இது என்ன தெரியுதோ?. நடுவில் மேலே இருப்பது, காயவைத்த வேப்பப்ம்பூ,

கீழே வலது பக்கம் இருப்பது.. நன்னாரி வேர்.. தேனிருக்குள் தேயிலையுடன் ஊறப்போட்டுக் குடிப்பது, வாசமோ வாசம், உடம்புக்கும் நல்லதாம். இடது பக்கம் இருப்பது சாறணை வேர் இது ரச வகைகளுக்கு சேர்ப்பதாம்.

நடுவில் கீழே இருப்பது,  வில்வம் பூ இதை தேநீர் போல போட்டுக் குடிப்பதாம், இல்லை எனில் தேயிலையுடன் ஊறவிட்டும் குடிக்கலாமாம், சிங்கள மக்களிடையே இது பேமஸ் ஆம்ம்.. கதிர்காமல் போகும் போது, இத்தேனீர் போட்டு விற்கிறார்களாம்.

இது ஸ்கூலில், ஹலவீனுக்காக பிள்ளைகளுக்குப் படங்கள் பிரிண்ட் பண்ணி கலர் பண்ண வைத்தோம், அப்போ நானும் இதை கலர் பண்ணினேன்.. இது ஹலவீன் கதையில் வரும் witch இன்  cat:) ... ஹா ஹா ஹா பயம்ம்மா இருக்கோ?:)

ஊசி இணைப்பு:-

ஊசிக் குறிப்பு:

()()()()()()***()()()()()()***()()()()()()*_()_*()()()()()()***()()()()()()***()()()()()()

	Tweet