மொச்சைக் கொட்டையும்💖காதல் தினமும்:)

என் யொந்தக் கதை:).. யோகக் கதைகள் பல உள்ளன:).. அப்பூடியாவற்றில் இதுவும் ஒன்று... உங்களுக்கு நேரம் இருக்கும்போது இந்த இரு லிங்குகளிலும் போஸ்ட்டை க் கொஞ்சம் படிச்சுப் பாருங்கோ என் சோகம் புரியும்:))

சும்மா சும்மா முளைக்குதாமே

அந்தநாளும் நானும்:) 

அப்படித்தான், இந்த மொச்சைக் கொட்டையும் என்னைப் பல காலமாகப் பாடாய்ப் படுத்தி விட்டது... அதன் வேறு பெயர்களும் தெரியவில்லை, ஆரும் சொல்லவுமில்லை, தேடிப்பார்க்கும் நினைப்பில்லாமல், ஊரெல்லாம் மொச்சைக் கொட்டை கிடைக்குமோ எனத் தேடித் திரிஞ்சேன்.

எங்கள் சூப்பர் மார்கட்டில் ஒருநாள், தேடியபோது பட்டர் பீன்ஸ் என, கிட்டத்தட்ட மொச்சைக் கொட்டைபோலவே ஒன்று கிடைச்சது, அதைக் கொண்டு வந்து பார்த்தால் அது வேறு அத்தோடு சரியான வாய்வாகவும் இருந்தது.

அதையும் விட்டுப்போட்டு சமீபத்தில் தமிழ்க் கடை போனோம், போகும்போது மொச்சைக் கொட்டையின் படத்தை நன்கு உற்றுப் பார்த்துக் கொண்டேன், அப்படியே கண்ணில எடுத்துப் போய் தமிழ்க் கடையில் தேடினேன், ஒரு வேறு மொழிப் பெயரோடு ஒன்று இருந்தது, அதை அங்கு நின்ற தம்பியிடம் கேட்டேன், இதுதான் மொச்சைக் கொட்டை என்றார்ர்... ஆவ்வ்வ்வ் அப்பூடியே பரவசமாகிட்டேன்...

வீட்டுக்கு வந்த பின்னர்தான் அப்பெயரைப் போட்டுத் தேடினால் வைல்ட் பீன்ஸ் என இருந்துது. சரி கொண்டு வந்திட்டோம், என வச்சுப்போட்டு அஞ்சுவிடம் ஐடியாக் கேட்டேன், அஞ்சுதான் பல பல ஐடியாக்கள் தந்தா, ஆனா வாய்வு அதிகம் என்றா, அதனால பயத்திலயே சமைக்காமல் வச்சிருந்து, பின்னர் சமைச்சேன்.. ரெசிப்பி எல்லாம் தேவையில்லைத்தானே, படம் மட்டும் காட்டுகிறேன், ரெசிப்பி தேவை எனில் என் வட்ஸப்புக்கு கோல் பண்ணி பே-பாலில் காசை முதலில் அனுப்பவும்:)..

சமைச்சவர் : அதிரா
சமையல் உதவி : அஞ்சு
வாய்வு நீக்க மருந்துதவி : அஞ்சு [ஹா ஹா ஹா]

ஆனா பெரிதாகப் பிடிக்கவில்லை, அதனால மிகுதியில் பாதியை எடுத்து.. முளைக்கட்டிப் பார்ப்போம், ஏதாவது பண்ணலாம் என ஊறவிட்டு, முளைக்கட்ட வைத்தேன், அது டக்கென ஒரு மொச்சை மணம் வரத் தொடங்கிவிட்டதே.. அதனாலதான் இதற்கு மொச்சைக்கொட்டை எனப் பெயர் வந்திருக்குது என நினைச்சேன், ஆனா முளை வரவே இல்லை, அதனால கழுவி காயவிட்டு, உப்பும் தூளும் பிரட்டி, அவணில வச்சு றோஸ்ட் பண்ணி எடுத்திருக்கிறேன், இது கொஞ்சம் ஓகே, சும்மா சாப்பிடலாம். மிகுதி அப்படியே இருக்குது:(.

===============================

இது நான் கோமதி அக்காவுக்குச் சொன்ன கொள்ளு வடை.. முளைக்கட்ட வச்சு அரைச்சுச் சுட்டேன், நல்ல இனிமையான வடையாக இருந்தது..

=======================================

கம்பு - அரைக் கப்

உளுந்து - அரைக் கப்

பச்சை ரவை - ஒன்றரைக் கப்.. அவ்ளோதேன்.. சூப்பர் மொறுமொறு தோசை..

ஆபத்துக்குப் பாவமில்லை:) சட்னி வைக்க நேரமில்லை, அதனால அருகிலிருந்த நெல்லிக்கனிகளை வச்சேன் அது டப்பா?:)) ஹா ஹா ஹா.. இது ஸ்ரீராமுக்கு.. 

===================================

இன்று ஒரு தகவல்

கனடாவில் ஒருநாள் வோக் போயிருந்தோம், திடீரென இருட்டி, மழையோ மழை, தொப்பென நனைஞ்சு விட்டோம், வீட்டுக்கு வந்து தோய்ந்ததும், உடனே அக்கா, இந்தக் கோப்பியை பிளேனாகப் போட்டு, சுகரும் போட்டுத் தந்தா.. ஸ்ஸ்ஸ்ஸ் என்னா ஒரு சுவை தெரியுமோ.. உடனே கேட்டு வாங்கி வந்தோம்.. உங்களுக்கும் கிடைச்சால் வாங்குங்கோ.. 

💦💦💦💦💦💦💦💦💦💦

இனிக் காதல் தினத்துக்கு வருவோமா?.. ஹா ஹா ஹா இது ச்சும்மா கிடைச்சதை ஒரு தொகுப்பாகப் போட்டிருக்கிறேன் பாருங்கோ... எப்போதான் என் தலைப்புக்கும் போஸ்ட்டுக்கும் சம்பந்தம் இருந்திருக்கிறது?:))

வாழ்க்கையில் எத்தனை சோதனை வந்தாலும் சோர்ந்திடக்கூடாது.. வீடியோவுக்காக கொஞ்சம் நேரம் ஒதுக்கிப் பாருங்கோ , பிடிக்கும் உங்களுக்கு..

இதுவும் நல்லாத்தான் இருக்குது:)

ஊசி இணைப்பு:

ஊசிக் குறிப்பு:

இந்தத் துள்ளும் குருவிகளை, நான் எங்கிருந்தும் கை நடுங்க கால் வெடவெடக்கக் களவெடுக்கவில்லையாக்கும்:).. இது அந்த, கோபு அண்ணனின் பெட்டிக் கடை மீது ஜத்தியம்:))

💧💧💧💧💧💧

	Tweet