பொம்பிளை பார்க்கப் போவோமா?:)

பேபி அதிரா!!! உப்பூடி டான்ஸ் ஆடிக்கொண்டு நிக்கப்படா... நேரா நிக்கோணும்:))

ஆருக்குப் பொண்ணு பார்க்கப் போறீங்க? நானும்... நானும்... நானு:) வும் வரட்டோ எண்டெல்லாம் அவதிப்படப்புடா.. கொஞ்சம் பொறுமையாகப் படிங்க ஓக்கை?:).

எங்கட நாட்டில், பொம்பிளை பார்த்தல், பொம்பிளை வீடு... மாப்பிள்ளை வீடு இப்படித்தான் கதைப்பது வழக்கம். பெண் பார்க்கிறது என்று கதைப்பதில்லை. சரி இப்போ எதுக்கு இதைச் சொல்ல வருகிறேன் என்றால், எங்கட இளையதளபதி பக்கத்தில:), பேச்சு அடிபட்டுது, கல்யாண வயசு வந்திட்டுதாம் அவருக்கு:),(அது எத்தனை வயது  என, ஆரும் குறுக்க கேள்வி கேட்கப்பிடா:)) கர்ர்ர்ர்ர்ர்ர்ர்ர்ர்ர்ர்ர்ர்ர்.

அதே நேரம் டெய்லி பதிவிடுபவர், இடையில் சில நாட்கள் டமால்:) எனக் காணாமல் போய் விடுகிறார், அந் நேரங்களில் எனக்கொரு ஐடியா கிட்னியில் வரும், ஓஓஓ ஒருவேளை பொம்பிளை பார்க்கும் படலம் ஆரம்பமாகிட்டுதோ எண்டு:).(இது நமக்குள்ள இருக்கட்டும்:)).

அதை நினைச்சதும், பழைய ஒரு உண்மைச் சம்பவம் நினைவுக்கு வந்துது.. அதனாலே இப்பதிவூஊஊஊஊஊ:).

எங்கட ஊரில்... அடுத்தடுத்த ஊர்களிலும் நான் கேள்விப்பட்டிருக்கும் பழக்கவழக்கங்களை கொஞ்சம் முதலில் சொல்கிறேன். பெரியோர்களால் நிட்சயிக்கப்படும் திருமணங்களில், குடும்பம்... etc..etc.. எல்லாம் பொருந்தி வருகின்ற, மனதுக்குப் பிடித்த இடமாக இருப்பின், முதலில் குறிப்புப் பொருத்தம் பார்ப்பார்கள், பொருந்திவிட்டால்,....

பொம்பிளை, மாப்பிள்ளையின் படங்கள் பரிமாறப்படும், படம் இருவருக்கும் பிடித்துக் கொண்டால், மேற்கொண்டு பேச்சுவார்த்தைகள் நடக்கும்..  அனைத்தும் ஓக்கேயாக வருவதுபோல கிட்டத்தட்ட பாதிக்கு மேல், திருமணம் பொருந்தி வருவதுபோல இருப்பின், பெண்ணை நேரில் பார்க்க மாப்பிள்ளை வீட்டார் புறப்படுவார்கள், இந்தப் புறப்படுதலில் மாப்பிள்ளையைச் சேர்க்க மாட்டார்கள்.

ஊரில்  ஒரு வழக்கம் இருக்கிறது, பெண் வீட்டுக்கு மாப்பிள்ளை போய், நேரிலே பெண் பார்த்துவிட்டால், 95 வீதமும், திருமணத்தைக் குழம்ப விடமாட்டார்கள்/ விரும்ப மாட்டார்கள். அதனால் கிட்டத்தட்ட திருமணம் பொருந்தியே விட்டது என்ற நிலையிலேயே... பெண் வீட்டுக்கு மாப்பிள்ளை போவார். அதுவரை, நேரில் பார்ப்பதாயின்,....

எங்காவது பொது இடங்களில் வைத்தேதான்(பெரும்பாலும் கோயில்கள்தான்).  இதெல்லாம் இப்போ நிறையவே மலை ஏறிவிட்டது... இவை இப்போதைய கதைகளல்ல, ஆனால் குடும்பமுறை என்று ஒன்று, பரம்பரை பரம்பரையாக இருக்குதுதானே.. அது தொடருது ஊர்களில்.

எங்கள் அக்காவின் மகன்.. 18 வயது, அவர் கேட்கிறாராம்  “வட்  இஸ் பொம்பிளை பார்க்கிறது?”:)).. என்று, அப்படி இருக்கு இப்போதைய தலைமுறை.

ஒரே ஊர் அல்லது அடுத்த ஊராயின் பிரச்சினை இல்லை, எப்படியாவது(பெண்ணைப்) பார்க்கும் சந்தர்ப்பம் கிடைத்துவிடும், இல்லையெனில் கொஞ்சம் கஸ்டம்தான்:). அதே நேரம் எல்லாம் சரியாகி, பெண்ணை, மாப்பிள்ளை நேரில் பார்த்துப் பேசிவிட்டால்... 99 வீதமும் குழம்புவதில்லை, ஆனால் உடனே திருமணம் வைப்பதில்லை, எப்படியும் 6 மாத இடைவெளியாவது இருக்கும், அதுக்குள் இருவரும் பேசிப் பழகிடுவார்கள், பிடிக்காதுபோனாலும் சொல்லலாம் திருமணத்துக்கு முன்பே.

............. குட்டி பிரேக்க்க்க்க் இல், வேறு ஒரு குட்டிச் சம்பவம்............
என்னதான் இருந்தாலும், எல்லா முறையிலும், எல்லா ஊரிலும், எல்லா நாட்டிலும், எல்லாமும் நடக்கிறது. இது சரி, இது பிழை எனச் சொல்ல முடியாதுதானே.

இப்படியான ஒரு முறையில் பொருந்திய திருமணம், எல்லாமே முற்றான பின்னர், பெண்ணையும், மாப்பிள்ளையையும் நேரில் சந்திக்க வைத்து, பெண் வீட்டிலேயே, அறையில் தனியே கதைக்க அனுமதித்தனராம். உள்ளே போய்க் கதைக்கத் தொடங்கியவர்கள் இரவு 2 மணிவரை கதைத்து முடியவில்லையாம், அவ்வளவுதூரம் இருவருக்கும் பிடித்து விட்டதாம், அப்போ அவர்களோடு சேர்ந்து எல்லோருமாக, உடனேயே நாள் குறித்து திருமணத்தை முடித்து வைத்தார்கள்.

திருமணமாகி ஒரு வருடத்தில் இருவரும் பிரிந்து விவாகரத்தும் நடந்துவிட்டது. கணவர் பிஸ்னஸ்மான், அதனால் பல நாடுகளுக்குச் சென்று வருபவர். அதிக நேரம் நெட்டிலே இருப்பாராம். ஒருநாள் கஸ்டகாலம்:), சைன் அவுட் பண்ண மறந்து, எழுந்து போய் விட்டார், ஏற்கனவே பெண்ணுக்கு சந்தேகம் தொடங்கியிருந்தது, அதனால் ஓடிச் சென்று மெயில் செக் பண்ணியிருக்கிறார். 

அப்போ வேறு நாட்டில் இருக்கும் பெண்ணுடன் மெயிலில் பல கதைகள் நடந்திருக்கு, அதுவும் இவர் போய் அங்கு தங்கி வந்ததாக. இப் பெண் கேட்ட இடத்தில், அப்படியேதுமில்லை என மறுத்துவிட்டார். ஒளிவுமறைவின்றி வெளிப்படையாகச் சொல்லியிருந்தால் பிரச்சனை தீர்ந்திருக்கலாம்?,

ஆனால் அவர் எதுவுமில்லை, எல்லாம் பிஸ்னஸ் மெயில்களே என்றிட்டாராம்.... இப்படிப் பலநாள் பிரச்சனைப்பட்டு, அத்தோடு பொறுக்க மாட்டாமல் பெண், வீட்டால் வெளியேறிப் பெற்றோரிடம் வந்திட்டார்.

கணவருக்கு கோபமாம், போனனீ  போ எனச் சொல்லிப்போட்டு வேறு திருமணம் முடிச்சிட்டார், இப்போ பெண்ணும் வேறு முடித்து நன்றாக இருக்கிறா. . சரி அது போகட்டும்.

¬¬¬¬¬¬ இடைவேளை முடிஞ்சு, லைட் ஓவ் பண்ணாச்சூஊஊஊஊஉ¬¬¬¬¬

ஆஆஆஆஆ எங்கின விட்டேன்?:)), ஓக்கே!!! சொல்ல வந்ததை மறந்திடுவேன்போல இருக்கே அவ்வ்வ்:).
இப்படித்தான் எங்கட மாமியின் மகனுக்கும்(அவரின் பெயரை ஏ, பீ, சீ, டீ வாணாம்,  “மைக்” என வைப்போம்) கல்யாணப் பேச்சு நடந்தது, அவரைப் பார்த்தால், கிட்டத்தட்ட மம்முட்டியைப் பார்ப்பதுபோல, கமலைப் பார்ப்பதுபோல இருப்பார்.

அவருக்கு புரோக்கர்(நன்கு தெரிந்தவர்) மூலம் ஒரு பெண்ணின் ஜாதகம் பொருந்தி வந்துவிட்டது. பக்கத்து ஊருமல்ல கொஞ்சம் தூர இடம்.  நான் அப்போ சின்னப்பிள்ளை (இப்பவும்தேன்ன்ன்) என்பதால் எனக்கு முளுக்கதையும் தெரியாது:(, தெரிந்ததைப் பகிர்கிறேன்.

அப்போ படங்கள் பரிமாறப்பட்டன. மைக் க்கு பெரிதாக படத்தில் பெண்ணைப் பிடிக்கவில்லை, அவர் கடுமையாக அழகை எதிர்பார்க்கவில்லை, ஆனா என்னவோ அவருக்கு ஹப்பி இல்லை. ஆனால் ஏனைய எல்லாம் நல்ல பொருத்தமாகி வந்துவிட்டது. அதே நேரம் பொம்பிளை வீட்டுக்கும் இவரை நன்கு பிடித்துவிட்டது.

மைக் வீட்டினர் சொன்னார்கள் மைக்குக்கு, நாம் போய், பெண்ணை நேரிலே பார்த்துவிட்டு வந்தபின்பு ஒரு முடிவுக்கு வரலாம் என. எங்காவது படிக்க அல்லது வேலைக்குப் போகும் பெண்ணாக இருப்பின், நண்பர்களோடு போய் வழியிலே ஒளித்து நின்று பார்த்திடலாம், இவ எங்கும் போவதில்லை. அதே நேரம் தூரம் என்பதால், மைக் க்கு ஒன்றும் செய்ய முடியாமல் போய்விட்டது.

மைக் வீட்டினருக்கும் பெண் குடும்பத்தை நன்கு பிடித்துக்கொண்டது, மனதில், இது நிறைவேறிவிடும் என எண்ணிவிட்டார்கள். ஆனாலும் மைக் வீட்டினர், பெண் வீட்டுக்குப் போக விரும்பவில்லை, மைக் குழப்பத்தில் இருக்கிறார், ஒரு முற்றுக்கு வராமல் எப்படி வீட்டுக்குப் போவது, போய் வந்து பிடிக்கவில்லை எனச் சொன்னால் பெண் பாவமெல்லோ, அதனால வேறு எங்காவது இடத்தில்வைத்துப் பெண்ணைப் பார்ப்போம் எனக் கேட்ட இடத்தில், பெண்ணின் பெற்றோர் சொன்னார்கள், பிரச்சனை இல்லை வீட்டுக்கே வாங்கோ என.

ஓக்கே என இவர்களும் 2 கார்களில், மைக் கின் அம்மம்மா தொடங்கி, அப்பா, அம்மா.. பெரியம்மா .. இப்படி பெரியாட்களாக எல்லோரும் புறப்பட ஆயத்தமானார்கள். மைக்கின் தங்கைமார் சிறியவர்கள். அதனால் அவருக்கு அப்போதைய நிலைமையில், நம்பிக்கைக்குப் பாத்திரமான ஆளாக இருந்தவர் எங்கள் அண்ணன்:). அண்ணனுக்கு அப்போ 15,16 வயதாக இருக்கோணும்.

மைக், அண்ணனைக் கூப்பிட்டுச் சொல்லியிருக்கிறார், உன் வேலை, இவர்களோடு போய், பெண்ணை நன்கு பார்த்து வந்து எனக்குச் சொல் என. பெரியவர்களுக்கும் சொல்லியாச்சு, இவரும் வரப்போகிறாராம் அழைத்துப் போங்கோ என்று.  அனைவரும் போய் பெண்பார்த்து, கதைச்சு, ரீ குடித்து வந்தாச்சு.

பெரியோருக்கு நன்கு பிடித்துவிட்டது, அது பெண் அழகுதான் பிரச்சனை இல்லை, எனக் கதைத்தார்கள். மைக், அண்ணனை அழைத்துப்போய்க் கேட்டிருக்கிறார், பார்த்தியா? பெண் எப்படி என.

அண்ணனுக்கு அப்போ அழகை மட்டும் பார்க்கும் வயசு:) தானே... அண்ணன் சொல்லியிருக்கிறார், எனக்கு பெண்ணைப் பிடிக்கவில்லை, நிறமும் குறைவாக இருக்கிறார், உங்களுக்கும் பிடிக்காது என்றுதான் நினைக்கிறேன் என.

இதைக் கேட்டதும் மைக், முற்றிலும் குழப்பமாகிவிட்டார். மைக்குக்கு பெண் பிடிக்கவில்லைப்போலும் என்ற கதை, பொம்பிளை வீட்டுக்கு புரோக்கர்மூலம் போய்விட்டது. 

அவர்களுக்கு இந்த மாப்பிள்ளையை கைவிட மனமில்லைப்போலும்.  அதனால் அவர்கள் சொன்னார்கள், படத்தில் சரியாக தெரியாதுதானே, எதுக்கும் மாப்பிள்ளையை நேரில் வந்து, ஒரு கோயிலில் வைத்துப் பெண்ணைப் பார்க்கும்படி. அதற்கு உடன்பட்டு, மைக், இன்னொருவரோடு மட்டும்(வேறு யாரும் போகவில்லை) போய், கோயிலில் கும்பிடுவதுபோல பெண்ணைப் பார்த்திட்டு வந்தாச்சு. வந்ததும் மைக் இன்னும் அதிகம் குழம்பிட்டார்.

காரணம், பெண் அழகாகவும் நிறமாகவும் இருந்திருக்கிறார். அப்போ மைக்குக்கு குழப்பம் வந்துவிட்டது, எங்கள் அண்ணன் பொய் சொல்லியிருக்க மாட்டாரே, ஆனா பெண் அழகாகத்தானே இருக்கிறார் என. அண்ணனை அழைத்து மீண்டும் கேட்டிருக்கிறார், அண்ணன் சொல்லியிருக்கிறார், இல்லை பெண் நிறம் குறைவுதான் என்று.

இதை வைத்தே கலவரம் தொடங்கி, ஆர் ஆரையோ பிடித்து விசாரித்துக் கொண்டு போனால்.... அவர்கள் இரட்டையர்களாம். படம் கொடுத்ததும், வீட்டில் காட்டியதும் நிறம் குறைவான பெண்ணாம், பின்பு மாப்பிள்ளை குழம்பி கைவிடப்போகிறார் என நினைத்து, மற்றப் பெண்ணை கோயிலில் காட்டியிருக்கிறார்கள். இதன்பின்பும் அந்தத் திருமணம் தொடருமோ? அத்தோடு ஸ்ரொப்ப்ப்ப்ப்ப்ப்ப்ப்ப்.... கிட்டத்தட்ட திருமணம் முக்கால்வாசியும் முற்றுக்கு வந்து, நின்றுபோனமையால் இரு பகுதியினருக்கும் மனப் பாதிப்பு இருக்கும்தானே.

நான் சொல்ல வருவதென்ன வென்றால், எந்த விஷயமாகட்டும், எழிதில் நம்பிடாதீங்கோ.. தீர விசாரியுங்கோ.

கோடியின் குரல் என ஒரு ரீவி புரோகிராம் நடக்கிறது தமிழ்நாட்டில். அதில் வருவோர் பொய் சொல்லக்கூடாது, உண்மை சொன்னால் மட்டுமே தொடர்ந்து விளையாட அனுமதி உண்டு. அதில் வந்த ஒருவர், 25 வயதாம் திருமணமாகி குழந்தையும் கிடைத்திருக்காம். ஆனா அவரது பொழுதுபோக்கு, ஆர்குட், பேஸ்புக், புளொக் இவற்றில் புகுந்து, பெண்களை வசியப்படுத்தி ஏமாத்துவதாம். இது திருமணத்தின் பின்பும் தொடருதாம்.

புரோகிராம் முடிவிலே, நடத்தியவர் சொன்னார்...”தயவுசெய்து, இனிமேல், இன்ரநெட் மூலம் பெண்களை ஏமாத்தும் வேலை செய்யவேண்டாம்” என, செய்யமாட்டேன் இனி... என்று சொல்லிப்போனார்..???.

.....==================================================.....

ஊசிக்குறிப்பு:

பூஸ் ரேடியோவில் சொன்னார்கள், எப்பவும் ஒருவர் சொன்னதை வைத்துக் குறை காணக்கூடாது, அவர் சொல்ல வந்ததைத்தான் புரிந்துகொள்ள வேண்டும் என. உ-ம்: ஒரு தனியிடத்தில் தனிவீடு, கைக்குழந்தையோடு மனைவி, கணவன் வேறு ஊருக்கு வேலை காரணமாகப் புறப்படுகிறார், “கவனமாக இருந்துகொள்” என மனைவிக்குச் சொல்கிறார், மனைவி சொல்கிறார் “ஒரு நாய்கூட இல்லையே, பயமாக இருக்கெனக்கு” என....


அதற்கு கணவன், “என்னையும் சேர்த்தா நாய் என்கிறாய்?” எனக் கேட்டு சண்டைக்குப் போகக்கூடாது, அதாவது மனைவி சொன்னதைக் கவனிக்கப்படாது, சொல்ல வந்ததைத்தான்(கருத்தை) கவனிக்க வேண்டும்.

இதைக் கேட்டதும், இலங்கையில் நடந்த ஒரு சம்பவம் நினைவுக்கு வந்தது எனக்கு.

ஒரு மினிவானில் யாழ்ப்பாணம் போய்க்கொண்டிருந்தோம், இடையில் ஆனையிறவு ஆமி காம்ப். அங்கு வாகனங்கள் போனதும், றைவரின் உதவியாளர் ஓடிப்போய் பெயர் விபரம்(van) பதிவார். ரைவர் , அங்கு நிற்கும் ஆமி என்ன சொல்கிறாரோ, அதன்படி வானை நகர்த்த வேண்டும்.

முன்னாலே உயர்ந்த கறுத்த ஒரு ஆமி நின்றுகொண்டிருந்தார், சைகை ஏதும் செய்யவில்லை, அதனால் ரைவர் மெதுவாக வானை நகர்த்தினார்.... ஆமிக்குக் கோபம் வந்துவிட்டது, கையைக் காட்டி நிறுத்தச் சொல்லிவிட்டு, வந்த வேகத்தில், ரைவரின் வலது கையைப் பிடித்து இறுக்கி முறுக்கிவிட்டுப் போய் விட்டார். நான் நடுங்கியபடி ரைவர் சீட்டின் பின் சீட்டில் இருந்தேன்.

கை முறுக்கும்போது, பதியப்போன உதவியாளர் வந்து கண்டுவிட்டார்... அவருக்கு மிகவும் மன வருத்தமாகிவிட்டது, உடனே ரைவரைப் பார்த்துக் கேட்டார் மிகவும் கவலையாக....
“அவன் மலைபோல முன்னால நிண்டானேடா, நீ ஏண்டா அவனைக் கவனிக்காமல் “எருமைபோல” வானைக் கொண்டு வந்தாய்?” என்று.

இதைத்தான் நான் யோசிக்கிறேன்,  என்னை எருமை என்கிறாயா என சண்டைக்குப் போகலாமோ?.... அதாவது அவர் சொன்னதைக் கவனிக்கப்படாது, அவர் சொல்ல வந்ததைத்தான் கவனிக்க வேண்டும்....

இதை நாமும் கடைப்பிடிக்கலாமே... உஸ் அப்பாடா... பொயிண்ட்டுக்கு வந்தாச்சூஊ, இனிமேல் மக்கள்ஸ்ஸ், அதிரா திட்டினால்:), திட்டினதைப் பொறுக்கப்படா, ஏன் திட்டினா என்பதையே யோசிகோணும் ஓக்கை?:).

பின் இணைப்பு:

இது “நியூ” விலிருந்து எனக்கு வந்த படம், இதைப் பார்த்ததும் எனக்குப் புரிஞ்சுபோச்ச்ச்ச்ச்ச்.... தம்பி காணாமல் போனதன் ரகசியம் இதுதான்ன்ன்... ஆனாலும் அக்காவை எப்பூடி மறக்கலாம்ம்ம்ம்ம்ம்?:). தம்பியின் முகத்தில தெரிவது, மகிழ்ச்சியா? மாட்டிவிட்டோமே என்கிற கவலையோ? அவ்வ்வ்வ்:)).

உஸ் அப்பாடா, இம்முறை பதிவு நீண்டதால, ஸாதிகா அக்காவின் ஆசையை நிறைவேத்திட்டேன்... பூஸ் படமேதுமில்லை:(((.

00000000000============000000000000

	Tweet