விவசாயி அதிரா பாகம் ரெண்டு:)

ஜொன்னா நம்போணும்:) மீ ஒரு அப்பாஆஆஆஆவி:)

அது ஒண்டுமில்லைப்பாருங்கோ.. ஒரு கிழமைக்கு புளொக் எழுதாமல், புளொக் பக்கம் எட்டிப் பாராமல் இருந்து பாருங்கோ.. பிறகு புளொக்ஸ் ஐ ஓபின் பண்ணவே மனம் வருகுதில்லை, பேசாமல் இருப்பதுதான் சுகந்திரம் போல தெரியும். அதேபோல ஒரு ஃபுல் ஸ்ரெந்துடன் களம் இறங்கினால்:) டெய்லி போஸ்ட் போடோணும் என நினைக்குது மனம்:)).. ஆனா பல நாட்கள் நினைவுடனேயே நின்று விடுகிறது ..

சரி படங்கள்தானே காட்டப்போகிறேன், தொகுத்துப் போட்டிடலாம் என நினைச்சேன், தொகுக்கவே நேரம் போதுமானதா இல்லை:)..  இருப்பினும் பூசோ கொக்கோ... நான் செய்த பயிரைப் போட்டுக் காட்டி என் பெருமையை உலகறியச் செய்யாட்டில் ... தேம்ஸ்ல கூடக் குதிக்க மாட்டேனாக்கும்:)).. சரி சரி ஸ்ரெயிட்டா மற்றருக்கு வந்திடுவோம், போன பாகத்தில உருளைக்கிழங்குச் செடியும் வெங்காயமும் மட்டும் காட்டியிருந்தேன், இப்போ பாருங்கோ என் பயிர்ச் செய்கையையும் அறுவடையையும்:).. அடுத்த வருடம் ஜனவரியிலயே ஓடர்களைத் தந்திட்டால், இன்னும் நிறையச் செய்து அனுப்புவேன்ன்:))..

இது மர பீன்ஸ், மரமாக நின்று காய்க்கும். சாடியிலும், நிலத்திலும் வைத்திருக்கிறேன்.

இது புதினா, போன வருடம் ஒரு தடி ஊன்றி விட்டேன், இம்முறை இப்படி வளர்ந்திட்டுது.

இது நிலத்தில் வைத்திருக்கும் கபேஜ் லீவ்ஸ், நிறையத் தடவைகள் சுண்டி விட்டோம்.. இன்னும் இலைகள் வந்து கொண்டிருக்குது.

இது snow peas or sugar snap peas எனப்படும் , குளிரிலும் காய்க்கும் நன்கு.. இப்பவும் நிறையப் பூக்கள் வந்து கொண்டிருக்கு, ஆனா இனிப் பூக்காது, குளிர் ஓவரானால் இலைகள் கறுத்து விடும், வளர்ச்சி நின்று விடும்..

இது கிச்சின் வாசல் படி, கார்டின் செல்லும் பாதை, இதில் பெரிதாக புழுப்பூச்சி தாக்கம் இருக்காது என்பதால் சாடியிலும் வச்சிருக்கிறேன், ஆரம்பம் இப்படி இருந்து....

இப்போ இப்படி ஆகியிருக்கு, கம்பியைச் சுற்றி வளருது..

=========+++++++++++இடை...வேளை+++++++++++========

++++++++++++++(((((((((((())))))))))))))+++++++++++++

இது கார்டினில், நிலத்தில் வைத்தது.

இது இன்னொரு அறுவடை:)

இதில் தக்காழியைச் சுற்றி பீன்ஸ் வளருது.. தக்காளிக்காய்கள் தெரியுதோ?

இது இன்னொரு இடத்தில், பெட்டிபோல அடிச்சு அதில கடுகு விதைச்சேன், இப்பூடி வளர்ந்திட்டுதே அவ்வ்வ்வ்:))

கடுகு இலைகள் பிடுங்கிச் சுண்டி விட்டேன்:).. என் ஹெல்ப்பர்+கார்டியன்:) தெரிகிறாவோ.. ஒரு பூச்சி எனக்குக் கிட்ட வர விடமாட்டா.. கலைச்சுப் பிடிச்சிடுவா:)) இதில வண்ணாத்துப் பூச்சியும் அடங்கும்:)

இது பூசணிக் கொடு, இப்போதான் பூக்கள் வருது, இனி 3 லேட்ட்:)) ஒண்ணும் பண்ண முடியாது:(

இதுதான் நான் நட்ட மிளகாய்க்கன்று:).. நட்டு கொஞ்சம் வளர்ந்துது நிறையப் பூத்துது, ஆனா காய்கள் நகத்தளவு சைஸ்ல இருக்கு ஹா ஹா ஹா.. இதைத்தான் அன்று சொன்னேன், ஸ்ரீராம் வீட்டு மிளகாய்க்கன்று பார்த்து, எங்கள் வீட்டு மிளகாய்களைப் பார்த்தால் ஸ்ரீராம் மயங்கி விழுந்திடுவார் என்று:).. நம்மிடத்தில் கத்தரி+ மிளகாய் நல்லா வராது..

ஊசி இணைப்பு

ஊசிக்குறிப்பு:

என் புளொக்கில் வெஜ்ஜெட் எரர் எனக் காட்டியது, புளொக் ஓபின் ஆகவில்லை, சரி என்னவெனப் பார்போம் எனத் தேடிய இடத்தில், இனிமேல் http க்குப் பதில் https எனப் போடட்டாம் எனச் சொல்லியது. உங்களுக்கு என் புளொக் கொம்பியூட்டரில் ஓபின் ஆகாமல் இருப்பின்.. இப்படி ரைப் பண்ணினால் ஓபின் ஆகும்.. https://gokisha.blogspot.com

+++++++++++============_()_============+++++++++++

	Tweet