ஜெல்ப்!!... ஜெல்ப்!!!.. :)

No..No... No Problem :) எனக்கு நோகல்ல:) நீங்க எப்பூடியாவது பிடிச்சிடுங்க:), பாபகியூ மெஷினை ஓன் பண்ணிட்டேன்:). நாங்க எப்பவுமே இப்பூடியான உதவிக்கு, பின் நிற்கமாட்டோம் :)

என்னாது தலைப்பு பார்த்து என்னமோ ஏதோ ஆகிட்டுது அதிராவுக்கு, என நினைச்சிருப்பீங்களே?:) ஆ.. எண்டாலும்.. ஊ எண்டாலும் அதிராவுக்கு என்னமோ ஆகிட்டுது என நினைப்பதே புழைப்பாப் போச்ச்ச்ச்:)).. சரி சரி அதிகம் பேசினால் சொல்ல வந்த விஷயத்தை மறந்திடுவேன்ன்:).. அதனால சுருக்கமா...  அவ்வைப்பாட்டியின்:) “திருக்குறள்” போல:).. சொல்லிடுறேன்ன்ன்.. அதாவது..

உதவி

இந்த “ஜெல்ப்” பற்றி நிறையச் சொல்லோணும் என நீண்ட நாளா ஒரு கனவு, சமீபத்தில பூஸ் ரேடியோவில போய்ச்சுதா... அதைக் கேட்டு வச்சேன், ஆனா முழுவதும் மைண்டில ஏத்த முடியாமல் போச்ச்ச்:) அதனால சொல்ல வந்ததை சுருக்கமா சொல்லிடுறேன்.

உலகத்தில எங்கு பார்த்தாலும் எல்லோருமே “உதவி” செய்யோணும் என்றுதான் சொல்கிறார்கள்.அது உண்மைதான், செய்யத்தான் வேண்டும், ஆனால் நான் அறிந்து, வள்ளுவர் காலம் தொடங்கி, கண்ணதாசன் உள்பட, இந்த உதவிக்கு கூட ஒரு “வரையறை” சொல்லியிருக்கிறார்கள்.

நம்மில்(மனிதரில்) பலவகையினர் இருக்கிறார்கள், அதாவது சிலர் உதவியே செய்ய மாட்டார்கள், சிலர் தம் தகுதியைப் பொறுத்துச் செய்வார்கள், சிலர் தம் தகுதியையும் மீறிச் செய்வார்கள், கேளாமலே செய்வோர், கேட்டுச் செய்வோர் இப்படி பலவகையில் உதவி செய்வோர் உண்டு.

அதேபோல, தன்னைவிட, தன் குடும்பத்தை விட, அடுத்தவருக்காகவே பாடுபட்டு, அவர்களை முன்னேற்றி விட்டு, பின்னர் தம்மால் படியேறி முன்னேறியோர்... திரும்பியும் பார்க்காமல், ஒரு பேச்சுக்குக்கூட, இவரால்தான் நான் இந் நிலைமைக்கு வந்தேன் என ஒரு வார்த்தை கூறவில்லையே என, மனம் வருந்தி, உதவி செய்யும் எண்ணத்தையே கைவிட்டோரும் உண்டு.

எங்கட “கண்ணதாசன்” என்ன சொல்லியிருக்கிறார் தெரியுமோ? “உதவி செய்யவேண்டும் என்பதற்காக, எல்லோருக்கும் செய்யாதீர்கள், யாருக்குச் செய்கிறோம் என்பதும் முக்கியம்”.

இது உண்மையேதான், சிலர் இருக்கிறார்கள் எப்பவுமே ஆருக்காவது உதவி செய்யவேணும் என்பதிலேயே தீவிரமாக இருப்பார்கள், ஆனால் அந்த உதவியால், நன்மை நடக்கிறதா? தீமை நடக்கிறதா என்பதைத் தீர்மானிக்கத் தவறிவிடுவர்.

இப்போ ஒரு குடிகாரர் வந்து, “வீட்டிலே மனைவி பிள்ளைகள் உணவில்லாமல் இருக்கிறார்கள், உதவி செய்யுங்கள்” எனப் பணம் கேட்டால்,  உடனே இரக்கப்பட்டுத் தூக்கிக் கொடுத்திட்டால், அவர் அதில் மீண்டும் குடிக்கத்தான் செய்வார். அப்படி உதவ எண்ணினால், அவரின் குடும்பத்தை வரவழைத்து நேரடியாக உதவலாம்.

அதேபோல, பாவமே  என உதவி செய்யப்போய், 4 வார்த்தை ஆறுதலாகச் சொன்னால்...  அதைத் தப்பாகப் புரிந்து, லெவல்பட்டு, ஏளனமாகப் பார்ப்போரும் உண்டு. அல்லது உதவப் போனவரே,   “பின்னங்கால் பிடரியில் அடிக்க ஓடுமளவுக்கு”.. அதிக உதவி எதிர்பார்த்துத் தொல்லை கொடுப்போரும் உண்டு.

இதைத்தான் அன்று  “வள்ளுவர்”, திருக்குறளில் சொல்லியிருக்கிறார்..
“ஒருவரின் பண்பறிந்தே உதவுங்கள்” என.

ஊசி இணைப்பு:)

ஆனாப் பாருங்கோ ஆர் என்ன சொன்னாலும் சரி, நாம உதவி செய்யுறது செய்யுறதுதான்:).. ஆனா பலனை எதிர்பார்க்கப்பூடா:)..  எம்மிடம் உதவி பெற்றவரேதான் திரும்ப எமக்குச் செய்வார் என எதிர்பார்ப்பது தப்பு. நாம் நல்லது செய்தால் அது என்றைக்குமே வீணாகாது, வேறொருவர் வடிவில் அப்பலன் எமக்கு கிடைத்தே தீரும்... இப்படிக்கு புலாலியூர் பூஸானந்தா :)

பின் இணைப்பு:
என் பக்கம் பார்த்திருப்பீங்களே!! பளபளா என கலர்ஃபுல்லா  “மாத்தி”யாச்செல்லோ:)....  அதை அழகாக வடிவமைத்துத் தந்தவர் வேறு யாருமல்ல “மணி” தான். அதுக்கு நன்றியைப் பப்ளிக்கில் சொன்னால்தான் நல்லதென என் மனம் எண்ணியது, அதுதான் சொல்கிறேன்ன்.. மியாவும் நன்றி மணி. 

இன்னுமொன்று, தமிழ் மணம்பற்றி எனக்கு பெரிசாக ஏதும் தெரியாது, அதிலுள்ள நன்மைகளைச் சொல்லி, எனக்கு அதில் இணையும் ஆர்வத்தையும் ஏற்படுத்திய பெருமை அவரையே சாரும். நான் இணைந்ததும், இப்போ எனக்கொரு ஆசை, இங்கு, இதுவரை இணையாமல் இருப்போரும் இணைய வேண்டும் என. அதனால் அதனைக் குறிப்பிட்டேன் போன பதிவின் பின்னூட்டத்தில், அதுக்கு எப்படி இணைவது, அதனால் என்ன நன்மை எண்டெல்லாம் “இளமதிக்கு” டவுட்டுகள் வந்திச்சா:)... அதனால என் கிட்னியில் ஒரு எண்ணம் உதிச்சுது, அதை ஒரு பதிவாகப் போடும்படி மணியிடம் கேட்டால் என்ன என.

அதுதான் மணி, உங்களுக்கு நேரமிருப்பின், அதுபற்றி விரிவான ஒரு பதிவு போட்டுவிடுங்கோவன். ஆர்வம் இருப்போர் எல்லோரும் இணைய அது உதவியாக இருக்கும்.

பொயிங்கல் குறிப்பு:
உங்களுக்கொரு புறுணம் தெரியுமோ?  ஒவ்வொரு நாட்டிலும் எந்த எந்த சைட்ஸ் முன்னுரிமை வகிக்குது எனக் கண்டு பிடிக்கவும் ஒரு வெப்சைட் இருக்கு... அதுக்குப் பெயர். Alexa.

 என் புளொக் புளொக்ஸ்பொட்.com தானே? அஞ்சுவோடதும் அதுதான். அப்போ, உந்த அலெக்ஸ்ஸாவில தேடினேன்.. 

இலங்கையில் புளொக்ஸ்பொட் டொட் கொம் எத்தனையாவது இடத்தில இருக்கென, அது ஐந்தாவது இடத்தில இருக்கு.

Top Sites in Sri Lanka

 இந்தியாவில தேடினேன் அது 6 ஆவது இடத்தில இருக்கு.

Top Sites in India

பிரித்தானியாவில தேடினேன்ன்.. நான் மயங்கி விழாத குறை:) ஏன் தெரியுமோ? 13 ஆவது இடத்தில இருந்திச்சா:))...

Top Sites in United Kingdom 

அதைப் பார்த்ததும், எனக்கு உடனேயே புரிஞ்சுபோச்சு:).. இவ்ளோ பின்னுக்குப் போனதன் காரணம், கொஞ்சக்காலமா நான் ஒழுங்காக பதிவெழுதாததுதான் என:).. ஹையோ ஏன் முறைக்கிறீங்க:).... என்னோடு சேர்ந்து அஞ்சுவும் விட்டிட்டா கர்ர்ர்ர்ர்ர்ர்ர்:) அதனாலதான் கீழ கீழ போயிட்டிருக்கு... அதைப் பார்த்ததும்தான் நான் “பொயிங்கிட்டேன்” சுனாமியா:).. இனி, வாரம் 4 பதிவுகளை என்னிடம் இருந்து எதிர்பாருங்கோ:)) மீக்கும்....  சூடு, சுரணை, ரோஷம், மானம் இருக்காக்கும்..க்கும்..க்கும்:)... புளொக்ஸ்பொட் டொட் கொம்மை மேலே ஏத்தாமல் ஓயமாட்டேன்ன்ன்ன்:)).

நன்றி!! வணக்கம்!!!!.

_____( )____

	Tweet