தானாடவில்லையம்மா தசையாடுது:)

என்னடா இது அதிரா டக்கு டக்கெனப் பதில்களும் கொடுத்து, டக்கு டக்கெனப் போஸ்ட்டும் போடுறாவே எண்டுதானே ஜிந்திக்கிறீங்க?:).. அணையப் போகிற விளக்கு சுடர் விட்டு எரியுமாமே:).. அப்படியும் இருக்குமோ?:) ஹா ஹா ஹா சரி சரி எனக்கெதுக்கு அதிரா வம்பு:)).. விசயத்துக்கு வருவோம்.

உங்கள் எல்லோருக்கும்தான் தெரியுமே, இங்கு நாம் இருக்கும் ஏரியாவில் நம்மவர்கள்,[நம் நாட்டவர் என்றில்லை, சைனீஸ், பிளக்ஸ் ஆருமே இல்லை, எண்ணி இரு சைனீஸ் குடும்பங்கள் மட்டுமே] ஏசியன்களே இல்லை. ஒரே ஒரு பாகிஸ்தான் உணவுக் கடை மட்டும் இருந்தது ஆரம்பம் முதல், அதுகூட கடைதான் இங்கிருக்கும், ஆட்கள் தூர இருந்து வந்து நடத்தி விட்டுப் போய் விடுவினம். இதனால இங்கு நம் நிறத்தவரைக் கண்டாலே  ஒரு ஆசை வந்து விடுகிறது. இப்போ கொஞ்சம் சைனீஸ், கொஞ்சம் பாகிஸ்தானிகள் இப்படி வந்திருக்கினம், அதுவும் காண்பது மிக அரிது.

நம் நாட்டில் நம்மவர்களை நாம் பெரிதாக நினைப்பதில்லைத்தானே, ஆனா இங்கு நம்மவரைப் பார்த்தால் அப்படியே பாசம் பொத்துக்கொண்டு வரும் ஹா ஹா ஹா.. இப்படி நிலைமை இருக்கையில் ஒருநாள்.

பாகிஸ்தான் கடைக்கு ஃபிஸ் அண்ட் சிப்ஸ் வாங்க, நாம் எல்லோரும் போயிருந்தோம். அப்போ கிச்சினில் இருந்து ஒருவர் வந்து நம்மைக் கதை கேட்டு, எந்த நாடு எண்டெல்லாம் கேட்டார். பின்பு நாம் வெளியே வர வெளிக்கிடும்போது ஓடிவந்து ஆளுக்கு ஒரு யூஸ் ரின்கள் தந்து விட்டு உள்ளே போய் விட்டார். இது எதுக்காக சும்மா தருகிறார் என நாம் திகைக்க முன், கவுண்டரில் நின்றவர் சொன்னார், அது ஒன்றுமில்லை, அவரின் கேள் ஃபிரெண்ட் சிறீலங்கன்.. அதனால நீங்களும் சிறீலங்கா என்றதும் அவருக்கு பாசம் வந்து விட்டது அதனால ஃபிரீ கிவ்ட் ஆம் என்றார் ஹா ஹா ஹா..

============================================ 

இடைவேளையிலே ஒரு வீடியோப் பார்க்கலாம் வாங்கோ.. இவற்றுக்கா 5 அறிவு என்கிறோம், அந்த வெள்ளைப் பப்பியாரின் கண்ணைப் பாருங்கோ ச்ச்ச்சோ சுவீட் இல்ல ஹா ஹா ஹா..

ஹா ஹா ஹா...

============================================

ஓகே அடுத்த மட்டருக்கு வருவோமா?.. நாம் எப்பவும் subway  இல் வெஜ் பற்றி எனப்படும் சான்விச்தான் அதிகமா வாங்குவோம், அங்கு அதுதான் நமக்கு பிடிக்கும். அப்போ நமக்கொரு கூப்பன் வந்திருந்தது, அதில் நிறைய டிஸ்கவுண்டுகள் இருந்தன, இந்த யூலை 31 ஆம் திகதியுடன் முடிந்துவிடும் அந்த டீல். 

அப்போ அந்த சப்வேயில் ஒரு தம்பி வேர்க் பண்ணுகிறார், அவர் கறுப்பு மிக்ஸ்ட்.. அதாவது கறுப்பு இனத்தவருக்கும் வெள்ளைக்கும் பிறந்த பிள்ளை. அவரின் தலைமயிர் நல்ல கறுத்த சுருட்டை, உடல்வாகும் அப்படி, ஆனா நல்ல வெள்ளையாக இருப்பார். அவர் நம்மை நோட் பண்ணியிருக்கிறார். அவர் ஆரென்றே நமக்கு தெரியாது. சிரிப்பதோ கதைப்பதோ ஏதும் இல்லை.

அப்போ நாம் அங்கு போனபோது இந்த கூப்பனைக் கொடுத்தேன், அவர் அதைப் பார்த்துவிட்டு, அதைக் கிழிக்காமல், தொட்டு தொட்டுக் காட்டினர்.. இதுக்கு இதுக்கு டிஸ்கவுண்ட் தருகிறேன் என- திருப்பி நம்மிடமே தந்தார்.

நான் ஒருவித ஷாக்ட்:) ஆகிட்டேன்.. என்ன இது கிழித்து எடுக்கவில்லையே என, ஒருவேளை யூலை எண்ட் வரை கிழிக்காமல் திரும்ப திரும்ப வாங்கலாமோ என எண்ணிக்கொண்டு 2ம் தடவை போனேன், அதே தம்பி அதேபோல தொட்டுக் காட்டிவிட்டு, டிஸ்கவுண்ட் போட்டு விட்டு திரும்ப என்னிடமே தந்திட்டார்.

எனக்கு விளக்கம் கேட்கவும் விருப்பமில்லை, ஏனெனில் நிறையப்பேர் வேலை செய்கிறார்கள் அங்கு, அப்போ கேட்கப்போய் அவரைக் காட்டிக் கொடுத்தது போலாகிட்டால் எனவும் பயம்.

சரி இது என்ன என பார்க்கலாம் என 3ம் தடவை போனபோது அன்று அந்த தம்பி இல்லை, ஸ்கொட்டிஸ் லேடி நின்றா, கூப்பனைக் காட்டினேன், லபக்கெனக் கிழிச்சு எடுத்துப் போட்டு மிகுதியைத் தந்தா கர்ர்ர்ர்ர்ர்ர்ர்ர்ர்:)) ஹா ஹா ஹா.. அப்போதான் புரிந்தது அந்த தம்பிக்கு ஏசியன்ஸ் என்றதும் ஒரு பாசத்தால் அப்படிப் பண்ணியிருக்கிறார் என... இதுதான் அவ கிழிச்ச அந்த கூப்பன்.. இன்னும் இருக்கு வாங்கி முடிக்கோணும்:)

அப்பாடா நீண்ட காலத்தின் பின்பு என் “மியாவ்பெட்டி” எழுதியிருக்கிறேன், கவனிச்சால் தெரியும் என் போஸ்ட் லேபலில், மியாவ்பெட்டி என இருப்பதில் என் சொந்த அனுபவங்களைப் பகிர்ந்திருக்கிறேன்.

ஊசி இணைப்பு

ஊசிக் குறிப்பு:)

==============_()_============

	Tweet