கோபு அண்ணனும்.. கரண்ட் நூலும்:)

இப்போ சந்திரமண்டலம் போய் முடிஞ்சு செய்வாய்க்கிரகத்துக்கு ஆட்கள் போகத் தொடங்கியிருப்பதாக அரசல் புரசலாக அறிந்தேன்.. அப்பூடித்தான் புளொக் எழுதுவதிலிருந்து கொஞ்சம் மூவ் ஆகி... மின்னூல் வெளியீட்டில் நம்மவர்கள் சிலர் எழுத ஆரம்பித்திருப்பது.. ஆச்சரியமான, மகிழ்ச்சியான செய்தி.

எனக்கு கொம்பியூட்டரில் இருந்து கதை படிப்பது, படம் பார்ப்பது எதுவும் பிடிக்காது, இருப்பினும் என் பக்கம் வருவோர் , மின்னூல் வெளியிடும்போது, அதில் ஒன்றாவது வாங்கிப் படிக்கோணும் என மனதில் எண்ணியிருந்தேன், ஆனா அதை முந்தி, கோபு அண்ணனிடமிருந்து இலவசமாக மின்ன்னூல்களை பரிசாகப் பெற்றோர் வரிசையில் என் பெயரும் இடம் பிடித்தமையால்... எனக்கும் இரண்டு மின்னூல்களை பரிசாக அனுப்பியிருந்தார். மிக்க நன்றி கோபு அண்ணன்.

ஆனா அவர் அனுப்பியதை போய் ஓபின் பண்ணிப் பார்க்கவே ஓராண்டு ஓடி... பின்னர் முதல் கதை படிக்க ஈராண்டு ஓடி.. படிச்சு முடிக்க...  செவ்வாய்க் கிரகத்துக்குப் போகும் காலத்தைக் காட்டிலும் அதிக காலம் எடுத்து விட்டது.. ஏன் தான் அதிராவுக்கு அனுப்பினமோ எனத் திட்டிக்கூட இருப்பார்:) கர்:)... சரி சரி ஓவரா அலட்டாமல் விசயத்துக்கு வாறேன்ன்.. சோட் அண்ட் சுவீட்டா என் வர்ணனையை முடிச்சுக் கொள்கிறேன்.

இதுக்கு முதல், புஸ்தகா நிறுவனத்தினர்தான், இப்படி மின்னூல்களை வெளியிடுகின்றனர், அப்போ நாம் அங்கு போய் நமக்கான ஒரு மெயில் + பாஸ்வேர்ட் கொடுத்து உள் நுழைந்தால், இலவசமாக நமக்கு தந்திருக்கும் புத்தகங்கள் அங்கே நம் bookshelf இல்அடுக்கியிருக்கும்.. இப்படி..

சின்னச் சின்னக் கதைகள்

மின்னூல் எனும் பெயருக்கேற்ப மின்னல் வேகத்தில் எல்லாம் ஓபின் ஆகிறது. எனக்கு கோபு அண்ணன் அனுப்பிய முதலாவது புத்தகம்.. சின்னச் சின்னக் கதைகள். இதில் மொத்தம் 20 கதைகள் உள்ளன..
முதலாம் பக்கத்தைத் திறந்தால் .. பொருளடக்கம் இப்படி இருக்கிறது..

ஒவ்வொன்றும் மிகவும் குட்டிக் குட்டிக் கதைகள் என்பதனால், போரிங் இல்லாமல் படிக்க முடிஞ்சுது..

நம் விருப்பத்துக்கேற்ப எழுத்தை பெரிசாக்கியோ சின்னனாக்கியோ படிக்கும் வசதியும் உள்ளது.. இதில் பொருளடக்கத்தைப் பெரிசாக்கிக் காட்டியிருக்கிறேன்...

இங்கு ஒரு சிறுகுறிப்பு:
///ஜும் வசதி ஒன்று ஒரேயடியாக வருகிறது.  இல்லாவிட்டால் பழைய நிலைக்குச் செல்கிறது.  தேவையான அளவு கொஞ்சம் கொஞ்சமாக பெரிதாக்கிக் கொள்ளும் வசதி இருந்தால் நலம்./// இது சகோ ஸ்ரீராம் தன் புத்தக விமர்சனத்தில் கொடுத்திருந்தார்.  அதனால எனக்கு ஃபிரீ புக் கிடைச்சதும் முதல் வேலையா அதையே செக் பண்ணினேன், இருக்கிறது..ஸ்ரீராம் அதைக் கவனிக்கவில்லைப் போலும்.

இங்கே மேலெ இருக்கும் படத்தில், ஸூம் பண்ணிய எழுத்துக்களின் மேல்(முதலில் ஸூம் பண்ண வேண்டும்), உற்றுப் பாருங்கோ... ஒரு பக்கம் மைனஸ் மற்றைய பக்கம் பிளஸ் அடையாளம் இருக்கிறது.. நடுவில் நீள் வட்டம் போல இருக்கு.. நீள் வட்டத்துள்ளே ஒரு குட்டி வட்டம் இருக்கு... அந்த வட்டத்தை, கேசர் மூலம் மூஃப் பண்ணி நமக்கு ஏற்ற சைஸில் எழுத்துக்களை வைத்துப் படிக்கலாம். 

இதில் கதையை விமர்சிக்க நான் விரும்பவில்லை, விரும்புவோர் போய்ப் படித்துப் பாருங்கோ, அத்தனை கதைகளும்... ஒவ்வொரு வித உற்சாகமும் நகைச்சுவையும் கலந்தவையாக இருக்கு.. அவற்றுள் என்னைக் கவர்ந்த சில கதைகள்...

4. பகற்கொள்ளை.. வித்தியாசமான சிந்தனை..

6. IQ Tablets  .. தலைப்பே வித்தியாசமாக இருக்கே என படித்தால், இட்லிக்குப் பெயர் வைத்திருக்கிறார் இப்படி.

10. புத்திசாலியான மனைவி.. சோகம் ததும்ப படிக்க வைத்து முடிவில் அட இவ்ளோ கெட்டிக்காரியா? அப்போ அழுததெல்லாம் நடிப்போ என எண்ண வைத்திட்டார்... தலைப்பை கொஞ்சம் நகைச்சுவையாக வைத்திருக்கலாமோ என எண்ண தோன்றியது.

18. கனி கிடைக்கும்வரை காத்திருப்போம்... இது ஒரு ஆப்பிளை வைத்து, பெரிய படிப்பினையையே உணர்த்தியிருக்கிறார்.. ஆனா ஒன்று அடிக்கடி “கியூ வரிசை” எனப் பாவித்திட்டார் கதையில்:).. கியூ என்றாலே வரிசைதானே?:) ஹா ஹா ஹா.

சுபம் _()_

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

 குட்டியூண்டுக் கதைகள்..

இது அடுத்த புத்தகம், இதில் மொத்தம் பத்துக் கதைகள் உள்ளன

இதில் பத்துக் கதைகளும், நகைச்சுவையும் கிண்டலும் கலந்தவையே.. தலைப்பை “குட்டியூண்டுக் கதைகள்” என வைத்தமைக்குப் பதில் “சிரிக்க சிரிக்கப் படிக்கலாம் வாங்கோ” என ஏதாவது தலைப்புக் கொடுத்திருக்கலாமோ என எண்ணுகிறேன்.. அதிலும்  4 வது கதை.. திருமண மலைகளும்... மாலைகளும்... வாய் விட்டுச் சிரித்திட்டேன்

5 வது கதை.. பெயர் சூட்டல்...    இண்டவியூ அழைப்பிதள் வரும் முன்பே, வேலை கிடைத்துவிட்டது போல எண்ணி, வேர்க் போக உடுப்பு வாங்குவோர் போல இருக்கிறது கதை.

எனக்கு இப்படி இலவசமாகக் கிடைத்த புத்தகத்தை மட்டுமே படிக்காமல், ஒன்றாவது விலை கொடுத்து வாங்கிப் படிச்சு, இத்தோடு விமர்சனமும் செய்யோணும் என எண்ணியிருந்தேன், ஆனா முடியல்ல.. இதைப் படிச்சு விமர்சனம் எழுதவே இவ்ளோ நாட்கள் ஆச்சு.. அதனால இன்னொன்று வாங்கும் எண்ணத்தை இப்போதைக்கு விட்டு விட்டேன்... பின்னாளில் நேரம் கிடைக்கையில் முயற்சிக்கிறேன். மீண்டும் நன்றி கோபு அண்ணன்.

======================================_()_======================================

இந்த புஸ்தகா நிறுவனத்தினர், புத்தகத்தின் பெயரை மட்டும் போடுவதோடில்லாமல், உள்ளே என்ன என்ன இருக்கிறது எனும் பொருளடக்கத்தையும் வெளியே காட்டினால், வாங்கிப் படிப்போருக்கு இலகுவாக இருக்கும் என நினைக்கிறேன்.. இது உள்ளே என்ன இருக்கும் / எத்தனை கதைகள் இருக்கு... என்றே தெரியாமல் இருக்கு.

ஊசி இணைப்பு:-

	Tweet