வாழைத் தண்டு போல உடம்பு+ மாங்காய்ப் பச்சடி..:)

அதிரா சமையல் என்றதும் எதுக்கு இப்பூடிப் பிதுங்குது விழிகள் எல்லாம் கர்ர்ர்ர்ர்:)

தலைப்பைப் பார்த்ததும் பழைய பாட்டெல்லாம் நினைவுக்கு வருமே... எப்பவும் என் போஸ்ட்டுக்கும் தலைப்புக்கும், அத்தோடு எனக்கும் சம்பந்தம் இருப்பது மிக மிகக் குறைவே:). சரி சமைப்பதற்கு முன் அதிராவின் கிச்சினைப் இங்கே பார்த்திட்டு வாங்கோ... ஹொட்டேலுக்குப் போய் சாப்பிடமுன் கிச்சினை செக் பண்ணுவது நல்லதாமே:)..


வாழை மரத்தில் மட்டும்தானே கழிவே இல்லாமல் அனைத்தையும் பாவிப்புக்கு எடுக்கிறோம்... அதிலிருந்து சில சமையல் குறிப்புக்கள்... இது ஏற்கனவே, நான் செய்து அனுப்பி 2008 ஆம் ஆண்டு, அறுசுவை எனும் தளத்தில் வெளிவந்துள்ளது , அங்கு என் படங்களை மிகக் குட்டியாக்கியே வெளியிட்டனர்,  என் ஒரிஜினல் படங்கள் எல்லாம் எங்கள் பழைய கொம்பியூட்டரில் உள்ளது, இப்போ தேடி எடுக்க அலுப்பாக இருக்கும் காரணத்தால், அங்கிருந்த படங்களையே எடுத்தேன்... அவை மிக குட்டியாக இருக்கு அஜீஸ் பண்ணுங்கோ:)..[இம்முறை படங்கள் தெளிவே இல்லை:( வெறி சொறி:).

வாழைப்பூ வெள்ளைக்கறி...

ஊரில் நாம் வாழைப்பொத்தியைப் பிரித்துப், பூவை மட்டும் பாவித்த வரலாறே கிடையாது. இப்படித்தான் பொத்தியாக வெட்டிப் பாவிப்போம், இப்போ Blender  இல், உடைத்தெடுக்கும் கப் ஒன்று இருக்குதுதானே, அதில் போட்டும் அடித்து எடுக்கலாம் இப்படி. ஆனா நான் எப்பவும் இப்படிக் கையால்தான் கெத்திடுவேன்:).

தேவையான பொருட்கள்..:
வாழைப்பூ - 500 கிராம்
மைசூர் பருப்பு - 50 - 75 கிராம்
வெங்காயம் - 25 கிராம்
பச்சை மிளகாய் - 2
பூண்டு - 4 பற்கள்
பால் - 100 மி.லி
தேசிக்காய் - பாதி
கறிவேப்பிலை - சிறிது

உப்பு - தேவையான அளவு

மேலே காட்டப்பட்டுள்ளதுபோல், வெட்டி எடுத்த பூவை கொஞ்ச நேரம் தண்ணியில் ஊறவிட்டு, நன்கு பிழிந்து எடுத்து, அதனுள், பருப்பு, வெங்காயம், மிளகாய், உள்ளி அனைத்தையும் சேர்த்து,  பூ மூழ்கும் அளவைவிடப் பாதியளவு தண்ணி விட்டு மூடி அவிய விடவும்.

தண்ணி வற்றி, பருப்பு அவிந்ததும், பாலை ஊற்றி கொதித்ததும் இறக்கவும். தண்ணி அதிகமாயின் கறி தண்ணியாகிவிடும், இக்கறி திக்காக இருக்க வேண்டும். முதல்[வடி] பால் தான் சிறந்தது, விருப்பப்படி கொஞ்சம் விட்டாலும் ஓகே, ஆனால் பால் சேர்த்தால்தான் சுவை கிடைக்கும்.

 இறக்கும்போது, கறிவேப்பிலை சேர்த்து, இறக்கியபின், தேசிக்காய் பிளிந்து விடவும். 

$$$$$$$$$$$$$$$$$$$$$$$$$$$$$$$$$$$$இடைவேளை$$$$$$$$$$$$$$$$$$$$$$$$$$$$$$$$$

$$$$$$$$$$$$$$$$$$$$$$$$$$$$$$$$$$$$முடிஞ்ஞ்ஞ்:)$$$$$$$$$$$$$$$$$$$$$$$$$$$$$$$$$

வாழைப்பூ வடை:

இங்கேயும் வாழைப்பூ என்பது, மேலே நான் காட்டிய முறையில், வாழைப்பொத்தியை வெட்டி எடுத்ததே. இது  ஒரு தமிழ்நாட்டு அக்காவின் ரெசிப்பி பார்த்துச் செய்தேன்.

வாழைப்பூ - 150 கிராம்

பொட்டுக்கடலை - 6 மேசைக்கரண்டி

செத்தல் மிளகாய் - 5

பெருங்காயம் - கால் தேக்கரண்டியை விட குறைவு

தேங்காய்ப்பூ - 3 மேசைக்கரண்டி

பெரிய வெங்காயம் - 30 கிராம்

மோர் - ஒரு டம்ளர்

உப்பு, எண்ணெய் - தேவையான அளவு

வாழைப்பூவை சுடுமோரில் ஊறவிட்டு, நன்கு பிழிந்து எடுக்கவும். பொட்டுகடலை, செத்தல், தேங்காய்ப்பூ சேர்த்து அரைத்து எடுத்துக் கொள்ளவும். தேவைப்பட்டால் சிறிது தண்ணீர் சேர்த்து அரைக்கவும்.

வெங்காயத்தைக் குட்டியாக அரிந்து, வாழைப்பூவில் அனைத்தையும் ஒன்றாகக் கலந்து, பிசைந்து, உப்பை அளவு பார்க்கவும், வடை மா பதமாக எடுத்து, குட்டிக் குட்டி வட்டமாக தட்டிப் பொரித்தெடுக்கவும்.

வாழைத்தண்டுப் பிரட்டல் கறி:

பொயிண்டுக்கு வந்தாச்சு, ஊரில் வாழைமரங்கள் வெட்டி எறிவோம், தண்டினை யாரும் தேடுவதே இல்லை. வெளிநாட்டுக்கு வந்து தமிழ் நாட்டு நட்புக்கள் கிடைத்தபின்பே, வாழைத்தண்டும் சமைக்கலாம் என தெரிய வந்தபோது.. வாழைத்தண்டு கிடைக்கல்லே:(..

சமீபத்தில் எங்கள் தமிழ்க் கடையில் பார்த்ததும், காதலாகிக் கசிந்து..கண்ணீர் மல்க ஓடிப்போய் ஒரு தண்டு எடுத்து வந்து, என் யொந்தக்:) கிட்னியை ஊஸ் பண்ணி செய்தேன்ன்ன்ன்.. சூப்பராக வந்துது கறி:).[மண்சட்டியில் சமைத்தேனாக்கும்].

வாழைத்தண்டை இப்படி வெட்டி, கொஞ்சமா க்ரில் பண்ணினேன், நொன்ஸ்ரிக் பானில் வாட்டியும் எடுக்கலாம் என நினைக்கிறேன்.

க்றில் பண்ணியதை, குட்டிக் குட்டியா வெட்டி,

நல்லெண்ணெயில் பச்சை மிளகாய் வெங்காயம் போட்டு வாட்டி, இந்த குட்டிக்குட்டியையும் போட்டு வாட்டி, கறித்தூள் உப்பு சேர்த்து வதக்கி, , மட்டமாக தண்ணி விட்டு அவிய விட்டேன், டக்கென தண்ணி வத்தும் அதனால் எப்பவும் ஸ்லோ ஃபயர்..:).

பிரட்டலானதும் இறக்கி தேசிக்காய் பிளிந்து விட்டேன்ன்.. என்னா சுவை தெரியுமோ?, சொல்லாவிட்டால் கண்டுபிடிக்க முடியாது என்ன கறி என்பதை:).

இதில் வாழைப்பூ வறை/சுண்டல், வடகம் செய்வோம், அதை இன்னொரு தடவை சொல்கிறேனே:)

..................................

ஊசி இணைப்பு:

ஒரு டிஸ் கறி வாங்கினால், ஒரு குட்டி டிஸ் மாங்காய்ப் பச்சடி இலவசம்:..

பெரிய, பிஞ்சு மாங்காய் ஒன்று எடுத்து தோல் நீக்கவும், ஒரு இஞ்சு அளவு இஞ்சி:) எடுத்து தோல் நீக்கவும்.. இரண்டையும் கரட் Scraper இல் ஸ்கிரேப் பண்ணி எடுக்கவும்.  சின்ன வெங்காயம் உங்கள் விருப்பப்படி குட்டியாக வெட்டிப் போடவும், பச்சை மிளகாய் போடவும், 2 மேசைக்கரண்டு உடன் தேங்காய்ப்பூச் சேர்த்து, உப்பும், கொஞ்சம் தேசிக்காயும் சேர்த்து மெதுவாகப் பிரட்டி விடவும். நன்றி. _()_ 
[ஸ்ஸ்ஸ் ஆசைக்கு ஒரு பிங்கலர் பாவிக்க வழியில்லாமல் போச்சே இன்று கர்:)]
========================================================================

============================================================================

	Tweet