என் நெடுநாள் ஆசை:)

அம்சவல்லி:)

நான் பாருங்கோ இப்போ ரொம்ப உஷாராகிட்டேன்:), அதனால பூஸோ கொக்கோ?:), இனி எந்தக் கோயில் எனச் சொல்ல மாட்டேனாக்கும், ஆராவது போக விரும்பினால் வட்சப்பில கேளுங்கோ அட்ரஸ் தருவேன்:))... ஹா ஹா ஹா.

இந்த அம்மன் கோயிலுக்கு ஒரு க்குளூ மட்டும் தருவேன், இது நியூயோர்க்கில், கனடாப் பக்கமாக இருக்கு. கனடாவிலிருந்து போகும் போது போர்டரைத்தாண்டியே போகோணும், அதில் பாஸ்போர்ட் காட்டோணும்.

இக்கோயில் ஆரம்பிச்சு சில வருடங்கள்தான் என நினைக்கிறேன், அப்போ எனக்குப் போகோணும் என சரியான ஆசை, எனக்கு அம்மன் மற்றும் சிவன் கோயில் எனில் ஏனோ ஒரு தனிப்பட்ட லவ்:). ஒவ்வொரு தடவையும் போகக்கிடைக்கவில்லை, இம்முறைதான் தரிசனம் கிடைத்தது.

மேலிருக்கும் வீடியோக்கள், கனடாவில் இருந்து கோயிலை நோக்கிப் போனபோது, எங்கள் குடும்பம் எல்லோரும் போனோம், பிள்ளைகள் எல்லாம் ஒன்றாக ஒரு வாகனத்தில் ஏறினார்கள், நாங்கள்[லேடீஸ்] ஏறியது அண்ணனின் வாகனத்தில்:)).. அப்போ வீடியோ எடுக்கும்போது அண்ணனிடம் சொன்னேன், அஞ்சுவுக்கு இந்த வீடியோக் காட்டுவேன் அவ 60+ இல் இருப்பதனால், பழையபாடல்கள்தான் பிடிக்குமாம் எனச் சொன்னா, அதனால ஏதும் பழைய பாட்டு இருந்தா போடுங்கோ என, உடனே அண்ணன் போட்டார் பாருங்கோ இந்தப் பாட்டை:)).. அஞ்சூஊஊஉ பாட்டுக் கேய்க்குதா?:).

இப்போ அமெரிக்க எல்லைக்குள் நுழையும் இடம் வந்திட்டுது..

இதில் மெதுவாக போய்ப் போய், பாஸ்போர்ட்டைக் காட்டினால், விடுவார்கள் உள்ளே..

===குட்டி இடைவேளை===

என்னிடம் மேத்தாவின் கனவுக்குதிரைகள் கவிதைப் புத்தகம் இருகுதெனச் சொன்னபோது, அதில் சிலதை இடைக்கிடை இங்கு பகிரலாமே என ஸ்ரீராம் சொன்னது மனதில் நினைவாக இருந்தது, ஆனா அதில் பெரும்பாலும் இருப்பவை அரசியல் சம்பந்தமான கவிதைகளாக இருக்கு, இது மட்டும் கொஞ்சம் ஓகே என்பதனால் போடுகிறேன்...

* உன் பெயரைச் சொன்னேன் என்னைக் கவிஞன் என்றார்கள்

உன் ஊரைச் சொன்னேன் என்னைக் காதலன் என்றார்கள்

நம் உறவைச் சொன்னேன்! என்னை நாட்டு வைத்தியரிடம் காட்டச் சொன்னார்கள்!!!.

*என் இதயத்தின் விலாசம் நீ!

என் வீட்டு விலாசத்தையா விசாரித்துக் கொண்டிருக்கிறாய்?

*தீப்பெட்டியைத் தேடி எடுக்கிறாய்

வீட்டில் விளக்கேற்றவா?

என்னை வெளியேற்றவா?

*வெள்ளைத் தாளாய் இருந்தது என் இதயம்

எதை எதையோ நீதான் எழுதினாய்

ஒருநாள் எழுதியதை எல்லாம் நீயே அழித்துவிட்டாய்

அழித்தது சரி! எழுதியது நீ என்பதால் அழித்தது சரி!

இதயத்தைக் கிழித்தது சரியா?

==============================

ஆஆஆ... கோயிலுக்கு வந்தாச்சு, முகப்பிலே வரவேற்கும் பிள்ளையார் இவர், பாருங்கோ சிதறு தேங்காய் அடிச்சு தேடுவாரில்லாமல் இருக்கு, எனக்கு பொறுக்கிச் சாப்பிட விருப்பம், எனக்கு மட்டுமில்லாமல் அனைவருக்கும் சப்ளை செய்து சாப்பிடுவேனாக்கும்:)).. ஒளவையார் என்ன சொல்லியிருக்கிறா?:), ஒரு குட்டித் துண்டென்றாலும் அனைவருக்கும் குடுத்துச் சாப்பிடோணுமாம்:)).. ஓசித் தேங்காயைக் குடுத்துச் சாப்பிடுவதாகத்தானே நினைக்கிறீங்க:)) கர்ர்ர்ர்ர்:))

இப்படித்தான் பாருங்கோ கனடாப் பிள்ளையார் கோயில் வாசல்லயும் தேங்காய் இருந்துது, ஓடிப்போய் எடுத்து வந்தேன், அங்கு நின்ற ஒரு வெள்ளையர், அவர் கோயிலில் தொண்டு செய்பவர்போல இருக்கு, கேட்டார் கான் ஐ காவ் சம் என ஹா ஹா ஹா நான் குடுக்கவில்லை.[அவர் வேணுமெண்டெல்லோ கேட்டவர்].

இக்கோயில் பற்றிச் சொல்லி முடியாது, இன்னும் கோயில் கட்டப்படவில்லை[வெளிப்பகுதி], ஆனால் விக்கிரகங்கள் எல்லாம் அழகழகாக எடுத்து வைத்திருக்கிறார்கள். இதன் காணியோ எத்தனையோ ஏக்கர் போல இருக்கு.. தோட்டம் முழுவதும் பச்சை அப்பிள் மரங்கள், காய்த்துக் குலுங்கின, ஆசைக்கு பிடுங்கி நல்லாச் சாப்பிட்டேன்ன்:))... 

இங்கு படங்கள் அதிகமாக இருப்பதனால் மிகுதி அடுத்த பகுதியில் விரைவில் வெளிவரும்:).

⇯⇯⇯⇯⇯⇯⇯⇯⇯⇯⇯⇯⇯⇯⇯⇯⇯⇯⤧⤧⤧⇯⇯⇯⇯⇯⇯⇯⇯⇯⇯⇯⇯⇯⇯⇯⇯⇯⇯

இது இங்கு இப்போ போன மாதம் எடுத்தது, காய்கள் காய்த்துக் குலுங்குது.. இக்காய்கள் வந்தபின்னர் இலையுதிர்காலம் ஆரம்பமாகும்.

ஊசி இணைப்பு

ஊசிக் குறிப்பு..

இதன் அடுத்த பகுதியைக் காண இங்கே

================_()_===============

	Tweet