![](https://blogger.googleusercontent.com/img/b/R29vZ2xl/AVvXsEicSIGlruQxGK6leb056GqBpXsbFgSOm6rsKdXHGgdJCadUizMHHCa3DQBKlz8MDCbn7v_7uoWUhYwiRzRyTjEJEmqrNxLBKQPVhH2IwV3xUwPPaUnVQ-p7EFcIksG0_1mLiC4oivEcOa8/s400/imagesCAMRCS17.jpg)
இக்கதை பல வருடங்களுக்கு முன்பு நடந்த உண்மைச் சம்பவம்.
என்னோடு படித்த நண்பியின், அண்ணாவின் நண்பன் ஒருவரின் கடிதம்.. கவிதை..
இலங்கையிலே முன்பு, திடீர்த்திடீரென இராணுவத்தினரால் சுற்றி வளைப்பு நடக்கும். அந்நேரம் அதில் அகப்படும் ஆண்பிள்ளைகளைப் பிடித்துச் செல்வார்கள்.. தமது மனம் போன போக்கிலே பிடிப்பார்கள்.. சிலவேளை காப்பாற்றலாம், அல்லது அவர்களின் மூட்டைப் பொறுத்து, என்ன இருந்தாலும் பிடித்தவரைக் கூட்டிப்போய்விடுவார்கள் காம்ப்க்கு(முகாமுக்கு).
ஒருதடவை இப்படித்தான் இருந்தாற்போல் சுற்றிவளைத்து... அகப்பட்ட ஆண்பிள்ளைகளையெல்லாம் அப்படியே அள்ளிக்கொண்டு போனார்கள்.. போன வேகத்திலேயே.. கொழும்பிலுள்ள.. பிரபல்யமான ஒரு ஜெயில்.. அதுதான் ”பூஸா..” அங்கு அனுப்பிவிட்டார்கள்.
அப்படி அகப்பட்ட அப்பாவிகளில் ஒருவர் தான், இந்த நண்பன். இவரைப் பூஸா முகாமுக்குக் கொண்டுபோனபின், என் நண்பியின் அண்ணனுக்கு ஒரு கடிதம் அனுப்பினாராம்.. அதில் அவர் குறிப்பிட்டிருந்தது... அவர்களூரிலே ஒரு பெண்ணை, தான் தினமும் பார்த்துவந்தேன்... எனக்கு மிகவும் அவவைப் பிடித்துவிட்டது, ஆனால் பல தடவை கதைக்க முயன்றும், முடியாமல் போய்விட்டது. அதுக்குள் என்னை இங்கு கூட்டிவந்துவிட்டார்கள். எனவே எனக்காக நீ, அப்பெண்ணிடம் சென்று சம்மதம் கேட்டுச் சொல்வாயா?? என விபரமெல்லாம் சொல்லி கடிதம் அனுப்பியிருந்தாராம். இதைப் படித்துவிட்டு, நண்பியின் அண்ணாவும் போய் விசாரித்திருக்கிறார், விசாரித்த வேளை அப்பெண்பிள்ளை சொன்னகதை, தனக்கு அவ்வூரிலேயே இருக்கும் தன் மாமாவின் மகனுக்கு ஏற்கனவே திருமணம் நிட்சயிக்கப்பட்டிருக்கிறது என்று.
இதனை பூஸாவிலிருக்கும் நண்பனுக்கு மடலில் எழுதி அனுப்பினார், அதைப்படித்த நண்பன்... அதற்குப் பதிலாக, ஒரு கவிதையாக மடல் அனுப்பியிருந்தாராம்..
அக்கவிதையைக் கண்டதும், உடனே என் நண்பிக்கு, எனது ஞாபகம் வந்துவிட்டது, அதிராவுக்குத்தான் கவிதை என்றால் பிடிக்குமே.. என, அண்ணாவுக்குத் தெரியாமல் அக்கடிதத்தைத் திருடி, ஸ்கூலுக்குக் கொண்டுவந்து தந்தார்.. தந்து சொன்னா.. கெதியா பார்த்தெழுதிவிட்டுத்தா.. மீண்டும் கொண்டுபோய் இருந்த இடத்திலேயே வைத்துவிட வேண்டும் என்று.
நானும் அவசரமாகக் கொப்பி பண்ணிவிட்டுக் கொடுத்தேன்.. ஆனால் பின்பு அதைத் தொலைத்துவிட்டேன்... இருப்பினும் அதிலிருந்த சில வரிகள் என் மனதிலே ஆழமாகப் பதிந்துவிட்டது... அது இதுதான்...
அன்றொரு
அம்புஜத்தைக்
கண்டேன்..அதில்
என் மனதை
பறிகொடுத்தேன்..
பின்னர் - அது
ஆதவனுக்குரியதென
அறிந்து - என்
ஆசைக்கு விலங்கிட்டேன்..
…....................
…............................
சந்ததியை
வளர்க்க விரும்பும்
பெற்றோருக்கு
இவன் என்றும்
வில்லனாக
இருக்க மாட்டான்!!
....இடை வரிகளை மறந்துவிட்டேன்.
நான் இல்லை... நான் இல்லை....
![](https://blogger.googleusercontent.com/img/b/R29vZ2xl/AVvXsEh5PX0xA6p3m0EOJm-r5GUpSUQIXMafkvDeG9-M1vDZiwiHKsvfMKwg75E729IYg4ibAvgRUCFwPZu9m60ZuinMyGgCKcYA4oKiQ0680KKvF4mr22-ZpD2adm0XLz6WVM9zRAvEzpCMy_Y/s400/imagesCAB69X39.jpg)
ஜெயில் என்றதும், ஒரு பழைய ஜெயில் நினைவுக்கு வந்துவிட்டது.....
![](https://blogger.googleusercontent.com/img/b/R29vZ2xl/AVvXsEhOkOIU0HF_J1QlXFDoLQV5DExJiwwRX7QCF0dwwkBPno2-s0TgSP4hJ03nj6iPLNw52JQ1LMY3CCsJmVKkEkhFWnMsCNmxj32lifqao6MdWfIRFjOXoVI8pSOLXMXZaO4RLp5bTfbrHSQ/s320/GetAttachment.jpg)
இது இன்வெரறி என்னும் இடத்தில் அமைந்திருக்கிறது. உல்லாசப்பிரயாணிகள் பார்வையிடும் இடம். 18ம் நூற்றாண்டில் கட்டப்பட்டது.
இதே இடத்தில் பிரபல்யமான ஒரு பழைய ராசாவின் அரண்மனையும்(Castle) அமைந்துள்ளது..
![](https://blogger.googleusercontent.com/img/b/R29vZ2xl/AVvXsEgzWQsJMYJoPk8HEbVkL7n92Sk7cjehnnCxhG8nLg5ckcy0tyLOTuq5lEBHMYAmW6DwuCWOZC0WONRbRZywZ4-5awz4HVi019N_eMsJ2inME9TzGGUqdz3mcxQ2SkCBAggBiLuKMy_Hjts/s400/imagesCAUVI2E0.jpg)
தூரத்திலிருந்து ஒரு தோற்றம்...
![](https://blogger.googleusercontent.com/img/b/R29vZ2xl/AVvXsEgo7mgfqJ8OF5b8JWyqEJXszUK-GUbWb7uD5MX9CwMzCDBDm7yZ0QC0c3XKk1_D8qEw_E03W462ehsGij-aGtqCgcgvrYSoWApFfsO9gLbsYj3khNRLPHhuJtFUDTy2_A5_wXAa3DqoaHE/s400/imagesCA4YZXPL.jpg)
அதனைச் சுற்றி இப்பவும் பூஞ்சோலையாக, நந்தவனமாக்கி வைத்து, அழகாக பாதுகாத்து வருகிறார்கள். முன்பு ராசாவைப் பாதுகாக்க.. அரண்மனையைச் சுற்றி பெரிய நீரோட்டம் செய்து, அதில் முதலைகள் வளர்த்தார்களாம்... அதெல்லாம் இப்பவும் அப்படியே இருக்கிறது...
இதில் தெரியும் நீரோடையூடாகத்தான், ராசா, அரண்மனையிலிருந்து படகில் சென்று, ஆற்றில் இறங்கி, ஏனைய இடங்களுக்குப் பயணம் செய்வாராம்..
![](https://blogger.googleusercontent.com/img/b/R29vZ2xl/AVvXsEhHQ51VlFftCf7mWGFs8oDcuTFdorBmDYazK2bJka8ce5tS90qp_SrSjIrkAuZJHQDjlZ9eWWmDgEWNbvqS7GBkHwdTJIFZjNjiTcQoaf7t1Q-QG3eqdxv_Zcz6wERatmnzLWigc5mRr_M/s400/imagesCA1O0QYD.jpg)
~~~~~~~~~~~~~~~~~~~~~~~~~~~~~~~~~~~~~
இதிலெல்லாம், அதிரா ஓடி ஓடிப் படமெடுத்தேனாக்கும்... பலதடவைகள்.. ஆனால் இப்போ அவற்றைக் காணவில்லை(படங்களை).
![](https://blogger.googleusercontent.com/img/b/R29vZ2xl/AVvXsEgafz3H3KrbROYMfs1jkMf5dnlvAyOde4dfl2VMSUeG6_HXwUwPprIbPUOMOCFKuIdMgBlwUlmxMNS-VzIkZX_HWczt3tG2dohcZcy98zX1X51LCpioGJa65f_nrjrrykmU7F7ZJUmJj04/s400/images.jpg)
~~~~~~~~~~~~~~~~~~~~~~~~~~~~~~~~~~~~~
யாராவது பார்க்க விரும்புபவர்கள் வாருங்கள்..... அழைத்துச் சென்று காட்டலாம்.... அழகான மலைத்தொடர்களிடையேதான் அமைந்திருக்கிறது..
~~~~~~~~~~~~~~~~~~~~~~~~~~~~~~~~~~~~~
பின் இணைப்பு:
காதல் என்பது???
![](https://blogger.googleusercontent.com/img/b/R29vZ2xl/AVvXsEgnnovVdr1Ij_g1vZlab9s7yTTcXma7rLr0uKX2jUSxRN2EuvjzW4FulKMiFw-DeR72rY_C5GPdwwJLnXnk6IESsuf6Pp_lU3QciEgYt_CHLYBTbRs0v3b5c_FQ-yQ8se22KyTuVOz6a9E/s400/w-twocute1.jpg)
~~~~~~~~~~~~~~~~~~~~~~~~~~~~~~
மணிக் கணக்காகப்
பேசிக்கொண்டிருப்பது..
விஷயமே இல்லாமல்...
|
Tweet |
|
|||