இரவுகள் நீளுதே:)

தேம்ஸ் இல் குதிப்பேன் காசிக்குப் போய்
நிரந்தரமாகத் தங்குவேன்:)
என மிரட்டியும் - நீ
வர மறுக்கிறாய்..!!

வானம் பார்த்துப் பூமி பார்த்து
உருண்டு பிரண்டு பார்த்து
ஆற்றைப் பார்த்து அந்தாட்டிக்காவைப்
பார்த்தும் யோசித்தேன்..
ம்ஹூம்ம்ம் -நீ
வர மறுக்கிறாய்..!!

இரவுகள் நீளுதே.. பகல்கள் குறையுதே
சில நாட்களில் இது
இரவா பகலா எனத் தெரியாமலே
பகலெல்லாம் மின் விளக்கு
லைட் போட்டபடி வாகனங்கள் - ஆனாலும்
நீ வர மறுக்கிறாய்!!

சூனியனைப் பார்த்துத்
தாமரைதான் மலரும் - ஆனால்
ஒருபகல், சூரியனின் சூடு தாங்காமல்
அவசரப்பட்டு அல்லி
தன் ஆடைகளை
அவிழ்த்து விட்டதாம்..

அல்லியின் ஆடைகளை
அவிழ்த்த குற்றத்திற்காக
சூரியன் பிரித்தானியாக்
காண்ட் கோர்ட் படி ஏறியதாம்:)..
இங்கு சூரியனே இல்லை
இருப்பினும் உனக்குத் திமிர் - நீ
வர மறுக்கிறாய்!!

ஒருநாள் இருநாள் அல்ல
ஒருமாதமாக உன்னை எண்ணிப்
பிள்ளையார் சுழி போட்டு
பேப்பரைத்தான் கிழிக்கிறேன் - நீ
வர மறுக்கிறாய்!!

தவறிற்கு ஏதும் கழித்துவிட்டு
மிகுதிக்குப் பரிசைக் கொடுங்கள்
என என் “ரசிகர்களை”:)
மிரட்டலாம் எனும் மிடுக்கோடு
இருந்தேனே - என்னை
மிளிரவிடக்கூடாது என்பதில்
நீ உறுதியாக இருப்பதால்
வர மறுக்கிறாய்!!


எல்லோருக்கும் வருகிறதே
எனக்கு மட்டும் ஏன்
தேம்ஸ்ல தள்ளினாலும்
வருகுதில்லை எனக் கலங்கினேன்:)
நீங்கள்  கதைப்பதே கவிதைதானே:)
பிறகு உங்களுக்கேன் கவிதை
கலங்காதே என்றார்:)
தெளிவாகிட்டேன்!!
[ஹா ஹா ஹா பிளீஸ்ஸ் கல்லைக் கீழே போடுங்கோ:)]

கவிதை வராவிட்டால் என்ன?
கட்டுரை எழுதுவேன்:)
என்பக்க ரசிகர்கள்
அனைவரையும் மெண்டல்
ஆக்கிடோணும் என
முடிவெடுத்தால்:) கவிதை
என்ன? கட்டுரை என்ன?
எல்லாம் ஒன்றுதானே?:)!!

இப்படிக்குக்... கவி மாமணி, கவிப்பேரரசு, கவித்தாமரை:) - அதிரா:)..

****************************************************************************

இலை உதிர்காலம் ஆரம்பமானதிலிருந்தே, இதுபற்றி ஒரு போஸ்ட் கவிதையாகப்:) போடோணும் எனத் திண்டாடி:).. இன்றுதான்....:)

மரங்களுக்கு இலைகள் அடர்த்தியாக இருக்கும்போது, குருவி, காகப் பிள்ளைகள் ஒளிவிடம் பார்த்துக் கூடு கட்டுவினம், ஆனா திடிரென இலைகள் உதிர்ந்ததும், வெறும் கொப்புக்களுக்கிடையே இப்பூடிக் கூடுகள் அங்காங்கு தெரியும் :(.. இருப்பினும், எல்லாமே ஒரு அழகுதான், மரத்தின் உச்சியை உற்றுப் பாருங்கோ.. கூடு ஒன்று தெரிகிறதே...

எங்கள் செல்ல மகளுக்குக் குளிருதாம், மம்மியின் குல்ட்டினுள்ளே, மம்மியின் பிலோவில் தலை வைத்து உறங்குவதில்தான் எத்தனை கோடி நிம்மதி!!:).

ஊசி இணைப்பு:)

இதைப் படிச்ச பின்பும், ஆராவது என்னைப் பார்த்துக் கே எஃப் சி சாப்பிடாதே என மிரட்டுவீங்க???:).. இப்போ புரியுதோ? அதிரா டக்கு டக்கெனப் பிரச்சனைகளைத் தீர்த்துக் ஹப்பியாக இருப்பதன் சூஊஊட்சுமம் என்னவென்று:)..

பின் இணைப்பு..

இங்கே விஜயபதி என்றொரு ஐயா, ஏதாவது , ஏதாவது எழுதுவோம் என இரு புளொக்ஸ் வச்சிருந்தார், என் பக்கம் எப்படியும் வருவார்... நானும் அவர் வரவை எதிர்பார்க்காமல் முடியும்போதெல்லாம் போவேன், ஆனா கடந்த 5 மாதமாக அவரைக் காணவில்லை.. அவர் புளொக்கேர்ஸ் கெட்டுகெதர் என நினைக்கிறேன், அதில் சகோ டிடி உடன் இருந்து எடுத்த படமும் ஒரு தடவை எங்கோ பார்த்தேன்... அவர் பற்றி ஏதும் விபரம் தெரியுமோ?.. கவலையாக இருக்கிறது.இதுதான் அவரின் புளொக்   http://ethaavadhu.blogspot.com/

============================================================

ஊசி இணைப்பு:  

ஹா ஹா ஹா:)..

தமனாக்காவுக்கு அன்பாக மை பூச:).. இங்கின டச்சூஊ பண்ணவும் பீஸ்ஸ்:) _()_.

	Tweet