பந்திக்கு முந்தவேணும்...

குறிப்பைப் பார்த்துச் சமைத்தோம் சாப்பிட்டோம் என்று மட்டுமில்லாமல் , கொஞ்சம் அதைப் படமெடுத்தும் போட்டால்... குறிப்புக் கொடுத்தவர்களுக்கு மகிழ்ச்சியாகவும் அதே நேரம் ஊக்குவிப்பாகவும் இருக்குமே என நினைத்தேன்... அதனால செய்தேன்...

நன்றாக வந்தமையால் படங்களும் எடுத்தேன்... சிலதைப் பார்த்தவுடன் செய்யவேணும்போல இருக்கும், அப்படியானதைச் செய்தேன்... அவசரமாகச் சமையல் செய்யும்போது, நம் சொந்தச் சமையலே இலகு, ஆறுதலான நேரங்களில் மட்டுமே குறிப்பைப் பார்த்து செய்ய முடிகிறது.

எனக்கு அனைத்து சாத வகைகளுமே மிகவும் பிடிக்கும்(எனக்கு மட்டும்:)).. ஆசியாவின் குறிப்பு பார்த்து சுலப புளியோதரை செய்தேன்... சூப்ப்ப்ப்பரோ சூப்பர்...

நான் அரைத்துப் போடவில்லை, எங்கள் கறிப்பவுடர், எல்லாம் சேர்ந்தது என்பதால் அதையே பாவித்தேன்...

=======================================================

இது, அம்முலு எனக்கு, அளவுகளும் அனுப்பி, செய்யுங்கோ சூப்பராக வரும் என்றா மெயிலில். நான் ஓடிப்போய் புதிதாக அப்பத்துக்கு என ஒரு நொன் ஸ்ரிக் வாங்கி வந்து செய்தேன் சூப்பராக வந்தது...

2 கப் பசுமதி அரிசிக்கு, 4 பிரட் துண்டுகள்(கரை நீக்கியது), தனித்தனியே ஊறவிட்டு அரைத்து, உப்பும், அப்பச்சோடாவும் சேர்த்து ஓரிரவு புளிக்க விட்டுச் சுட்டேன்....

 நான் பிறந்து வளர்ந்ததுக்கு, முதன்முதலாக, நானே செய்து, சுட்ட அப்பம்ம்ம்ம்:)... சுப்பராக இருக்கெல்லோ?:).

இது பாலப்பம்:)

இது முட்டை:) அப்பம்..

=======================================================


பின் இணைப்பு:
நான் மகியின் குறிப்புப் பார்த்துச் செய்து, படமெடுத்த கையோடு, ஃபோனைத் தண்ணிக்குள் போடுவிட்டேனெனச் சொன்னேன் தானே, அதை அறிந்ததும் எனக்கொரு மெயில் வந்துது.. மகியினுடையதைப் படமெடுத்த கையோடுதானே ஃபோன் தண்ணிக்குள் விழுந்தது, அதனால, மகியிடமே அதன் பணத்தை வாங்குங்கோ என:))... நான் கொஞ்ச நாள் போகட்டும் என விட்டிருக்கிறேன்:)).
படங்களை திரும்ப பெற்று விட்டேன், அடுத்த பகுதியில் வெளிவரும்.
=======================================================


ஊஊஊசி இணைப்பு:
சே..சே.. இதுக்கே இப்பூடி நடுங்கினால்?:)) பயப்பூடாதீங்க, எலிக்குட்டி, குட்டி எலி.... நான் ஒரு மாதம் டயட்டில் இருக்கிறேன்.... ச்சும்மா பார்த்திட்டு விட்டிடுவேன்:)).. சுத்த சைவம்:)..

========================================================

	Tweet