நான் வரைந்த ஓவியமே...

நான் வரைந்த ஓவியமே..
நல்ல இங்கிலீசுக் காவியமே:)..
நான் சாப்பிடும்போது
நீ பட்டினி எனில்
நீ பட்டினி இருக்கும்போதும்
நான் சாப்பிடுவேன்ன்:))

எழுத்தோட்டம்:-
இந்தப் புத்தம் புதிய புத்தாண்டில் நான் எடுத்த சத்தியம்... அவித்த முட்டை சாப்பிடுவதில்லை என்பதே:).. எனக்கு எந்த விதமான முட்டை ஐட்டமும் பிடிக்காது, சாப்பிடுவேன் ஆனா பெரிதாக ஆசை எல்லாம் இல்லை, ஆனா இந்த அவித்த முட்டை மட்டும்.. சாமத்தில் எழுப்பி தந்தாலும், யாராவது வேண்டாமெனக் கொட்டப் போனால்கூட பறிச்சு சாப்பிடுவேன் அவ்ளோ ஆசை:)..


ஆனா எல்லோரும் திட்டுவார்கள் .. நீ பொரித்து சாப்பிட்டால்கூட பறவாயில்லை ஆனா அவிச்சு சாப்பிடாதே என:).. அவிக்காதுவிட்டால் எனக்கு முட்டையே தேவையில்லை என நிறுத்திட்டேன்ன்:(.

ஓகே இனி திரைக்கதைக்கு வருவோம்:-
என்னில ஒரு பழக்கம், தெரியாதென எதுவும் இருக்கக்கூடாது என நினைப்பேன்:), அதனாலேயே “நாய் நக்குவது போல” எனச் சொல்வார்களே.. அதுபோல எல்லாவற்றையும் தொட்டுப் பார்ப்பேன்ன்...

அப்படித்தான் இந்த படம் கீறும் ஆசையும்... எனக்கு ஒழுங்கா கீற வராது.. ஆனா ஏதோ வரைந்தே ஆகோணும் என வரைந்தேன்ன்... இவை ஏற்கனவே “வதனப் புத்தகத்தில்” வெளியாகிவிட்டமை குறிப்பிடத்தக்கது 2015 இல்:).

இது என் கன்னி.... பென்சில் ஓவியம்... கூச்சப்படாமல் ஓடியாந்து வாழ்த்துங்கோ அதிராவை:).

இது 2015 இல், இங்கே “ஏஞ்சலின்”..  “அஞ்சு”.., என்றெல்லாம் அழைக்கப்படும் முகப்புத்தகப் போராளி:).. பிஸ் இன், 66 வது பிறந்த தினத்துக்காக வரைந்தேன்ன்:))..

இந்த “உதடு” பார்த்து ஆராவது சிரிச்சால்ல்:) உடனடியா பிரித்தானியா காண்ட் கோர்ட்டுக்கு அழைக்கப்படுவீங்கள்:).

இது என் கன்னிப் பெயிண்டிங்:).. ஐபாட்டில யூ ரியூப்பை எடுத்து வச்சு, பார்த்துப் பார்த்து பெயிண்ட் பண்ணினேன்:)..

சுவரிலே கொழுவியாச்ச்ச்ச்ச்:))

ஹா ஹா ஹா இப்பூடி பெயிண்டிங் நீங்க பிறந்து வளர்ந்த காலத்திலயே பார்த்திருக்க மாட்டீங்க:) இது “மை, 3டி பெயிண்டிங்” எப்பூடி சூப்பரா இருக்குதோ?:).. இதுதான் நான் கடசியா பண்ணியது:) இதுக்குப் பின் இன்னும் பெயிண்ட் பண்ணும் ஆசை எழவில்லை:) ஒரு வருடமாகிட்டுது.. பெயிண்ட் எல்லாம் காயுது:). [அருகிலிருந்து பார்க்காமல் கொஞ்சம் தள்ளி நிண்டு பாருங்கோ இதை பிளீஸ்:)].

=====================================================================

இது கீழே இருப்பவை எல்லாம் எங்கள் சின்னவரின் கை வண்ணம், நன்கு கீறுவார், முன்னாலே இருக்கும்போதே கடகடவென நம்மைப் பார்த்துக் கீறிடுவார், ஆனா என்ன கொஞ்சம் கோஸ்லியாகும் கீற வைக்க...:) சொக்கலேட்,கேம் எனக் கொடுக்கோணும்:).

இது எங்கட செல்லப் பொம்பிளை டெய்சியைப்:) பார்த்துக் கீறினார்...

ஊசி இணைப்பு:

இவர்தான் அந்த சின்னவர்:)

------------------------------------------------------------------------------------------------------------

------------------------------------------------------------------------------------------------------------

	Tweet