மாஷ்மலோ🍣 - மாம்பழ புடிங்🍮

நீண்ட நாட்களாகிறதே போஸ்ட் போட்டு, இப்பூடியே விட்டால், அதிராவா?அதாரது?:) எனக் கேட்டிடப்போகினமே எனும் பயத்தில இன்று ஒரு போஸ்ட் போடோணும் என எழுதுகிறேன்.

ஏன் எல்லோரும் தலைகீழாக நடக்கீனம்?:).. ஒருவேளை கொரோனா எபெக்ட்டோ?:)).. ஹையோ எனக்கெதுக்கு ஊர் வம்ஸ்ஸ்:)) 

 “நாய்க்கு வேலையும் இல்லை, நடக்க நேரமும் இல்லை” என்பதைப்போலாச்சு என் நிலைமை:). கொரோனாக் ஹொலிடேய் களும் முடிஞ்சு, எல்லாம் நோர்மலாகப்போகுதாம் எனவும் பேசுகிறார்கள், ஆனா என் புரோகிராமுகள்தான் இன்னும் முடிஞ்ச பாடில்லை. சரி சரி என் புலம்பல் என்னோடு போகட்டும்..:))

நான் செய்தவைகளை இங்கு போடாதுவிட்டால், எனக்குப் படங்கள் செய்முறைகள் சிலசமயம் காணாமல் போய் விடுது. இப்பூடித்தான் பாருங்கோ, போன முறை வைரஸ் அடிச்சதால என் கொம்பியூட்டரோடு அத்தனை படங்களும் போயிந்தி, ஆனா இந்த புளொக்கில் போட்டவைகள்தான் தப்பின... வயசான காலத்தில பேரப்பிள்ளை, பூட்டப் பிள்ளைகளுக்கு[ஓவர் ஆசையோ?:)] ஒரு ரெசிப்பி செய்வதெனில்:), இப்பூடிப் போட்டு வச்சால் ஈசி எல்லோ:))..

சரி இப்போ மங்கோ புடிங் பார்ப்போமா?:)

ஏதோ இவை எல்லாம் சிதம்பர ரகசியம் என நினைச்சிருந்தேன்.. முன்பு ஒரு டிஷ் செய்வதெனில், ஆட்களிடம் கேட்கோணும், அவர்கள் ஒழுங்காக சொல்லித்தர மாட்டினம், பாதிதான் சொல்லுவினம், ஏனெனில் பின்பு எல்லோரும் செய்ய வெளிக்கிட்டால், தம் மதிப்புக் குறைஞ்சிடும் என.

ஆனா இப்போதைய தலைமுறையினர், அக்குவேறு ஆணி வேறாக, யூ ரியூப்பிலும், தம் தளங்களிலும் சொல்லித் தருவதனால், நமக்கு எல்லாமே கைக்குள் அடக்கம்.. ஆரையும் கெஞ்சிக் கடமைப்பட்டுக் கேட்டுச் செய்யத் தேவையில்லை.

மங்கோ நல்ல சுவையானதாக கிடைச்சால்,வாங்கி, வெட்டி அரைச்செடுக்கலாம், ஆனா நான் ரெடிமேட் பியூறி வாங்கினேன்...

இதற்கு பால் தேவை, சிலர் பசுப்பாலிலும் செய்கின்றனர்,  வெபொரேட்டட் மில்க் இலும் செய்கின்றனர் அல்லது பாதிக்குப் பாதி கொண்டென்ஸ்ட் மில்க்[ரின் மில்க்] உம் சேர்க்கலாம் அது நம் விருப்பம்.

நான் செய்த விதம்..

மாம்பழக் கூழ் - 400 கிராம்

வெபொரேட்டட் மில்க் - 500 மில்லி லீட்டர்

ஜெலற்றீன்  - 2 மே கரண்டி

சுகர் - நம் விருப்பப்படி[நான் போட்டது 4 மே கரண்டிகள்]..

மாம்பழம் புளிப்பானதெனில் சுகரின் அளவைக் கூட்டலாம். இத்துடன், மாம்பழத் துண்டுகள்[விரும்பினால் சேர்க்கலாம்]

ஜெலற்றீன் க்குள் மெல்லிய சுடுநீர் ஒரு 50 மில்லி லீற்றர் விட்டு கரைத்து வைக்கவும்[5 நிமிடங்களாவது].. மில்க் ஐ சுகர் சேர்த்து நன்கு அடிக்கவும், பின்பு மாம்பழக்கூழ், ஜெலற்றீன் அனைத்தையும் சேர்த்து, அதனுள் மாம்பழத் துண்டுகளையும் சேர்த்துக் கலக்கி ஃபிரிஜ்ஜில் வைக்கவும்.. 4,5 மணித்தியாலத்தில் நன்கு இறுகி வரும்.

அளவெடுக்கோணுமெல்லோ:))

ரெடியாகி விட்டது...

இத்தோடு சேர்த்து ஜெலியும் செய்தேன், ஜெலிப்பவுடரை நல்ல கொதிநீரில் கரைத்து, அதனுள் ஸ்ரோபெரியும் மாம்பழத்துண்டுகளும் சேர்த்து இறுக வைத்தேன்...

ஆவ்வ்வ் இந்தாங்கோ இந்தாங்கோ.. 

சுவையான மங்கோ புடிங்கும் ஜெலியும்:))

🐀🐀🐀🐀🐀🐀🐀🐀🐀🐀🐈இடைவேளை🐈🐀🐀🐀🐀🐀🐀🐀🐀🐀🐀

டெய்சிப்பிள்ளைக்கு எங்காவது உயரத்தில் படுப்பதுதான் விருப்பம், அதனால மகன் இந்த இடத்தை அவவுக்காக செட் பண்ணிக் கொடுத்தார், அன்றிலிருந்து, பகல் இரவெல்லாம் இதில்தான் நித்திரை கொள்ளுவா, கட்டிலுக்கு வந்து கரச்சல் கொடுப்பதில்லை

ஒருநாள் இரவு, நேரத்தைப் பாருங்கோ 10 மணியாகியபின், நல்ல ஆழ்ந்த உறக்கத்தில் இருந்தா, திடீரென ஒரு பூச்சி பறக்கிறதாம்.. டெய்சியின் உறக்கம் கலைஞ்சு போச்ச்ச்ச்ச்ச் ஹா ஹா ஹா..:)) பூச்சியைத் தேடிக்கொண்டிருந்தா பல மணி நேரமாக கர்ர்ர்ர்:))

🐀🐀🐀🐀🐀🐀🐀🐀🐀🐀🐈🐀🐀🐀🐀🐀🐀🐀🐀🐀🐀

இனி மாஷ்மலோ சாப்பிடலாமா? 

இது சின்ன வயசிலிருந்தே செய்யோணும் என இருந்தேன், ஆனால் முறையான ரெசிப்பி கிடைக்கவில்லை, பெரிய விசயம் என விட்டிருந்தேன்ன்.. ச்ச்சோ சிம்பிள்.. டக் டிக் டோஸ் போலவேதான்...

தேவையானவை இரண்டே இரண்டு மெயின் பொருட்கள் மட்டுமே

சுகர் - 300 கிராம்

ஜெலற்ரின் - 4 மேசைக்கரண்டி[24கிராம்ஸ்]

இத்துடன் தண்ணி 350 மில்லி லீற்றர்.

ஒரு 4,5 துளிகள் எலுமிச்சம் சாறு சேர்த்தால், சீனியின் திகட்டு இல்லாமல் நன்றாக இருக்கும்.

ஜெலற்றினிற்குள் கொஞ்சம் சுடுநீர் சேர்த்து கரைத்து வைக்கவும்.[கரையும் அளவு சேர்த்தால் போதும்].

அடுப்பில் சொன்ன அளவு தண்ணி சேர்த்து, அதனுள் சுகர் போட்டு மெல்லிய நெருப்பில் நன்கு காச்சவும்.... பாகு ஓரளவு கம்பிப் பாகை விடவும் கொஞ்சம் அதிகமானதும்... அதாவது, ஒரு தேக்கரண்டி கலவையை எடுத்து, தண்ணியினுள் போட்டால், ஒரு பந்து போல உருளவேண்டும்.. இதுதான் பதம்...

இதுதான் மொத்த செய்முறை...

இப்படிக் காச்சி வந்ததும், அதனுள் ஜெலற்றின் சேர்த்து ஒரு நிமிடம் காச்சி இறக்கி, உடனேயே பீற்றர் ஆல அடிக்கத் தொடங்கவும்...

5 நிமிடத்தில் இப்படி ஆகும்.. தொடர்ந்து அடிக்கவும்...

மேலே கொலாஜ் இல் உள்ள கடசிப் படம்போல நன்கு திரண்டு, கீழே சரித்தால் ஊற்றுப் படாத பக்குவம் வந்ததும்... பாதியை ட்ரேயில் ஊற்றவும்.

மிச்சப் பாதிக்குள் விரும்பிய கலர் சேர்த்து அடிச்சு மேலே ஊற்றவும்.. இப்படி விரும்பிய கலர்கள் சேர்க்கலாம், என்னிடம் சிவப்பு இருக்குது, பிங்கியாக செய்யலாம் என நினைச்சால், மஞ்சள்தான் இருந்தது கர்:))

கலர் சேர்த்தபின், நான் கொஞ்சம் கூடுதலாக அடிச்சுப்போட்டேன்,  அதனால டக்கெனக் கட்டியாகத் தொடங்கி விட்டது, அதனால மேல் பகுதி கொஞ்சம் ஏற்ற இறக்கமாகி விட்டது, மீண்டும் செய்யும்போது இப்பிழைகள் விட மாட்டேன், திரும்பச் செய்ததும் காட்டுகிறேன்.

2 மணி நேரம் ஃபிரிஜ்ஜில் வைத்தால் போதும்.. புஸு புஸு என கடையில் வாங்குவதைக் காட்டிலும் சூப்பர் சொஃப்ட் மாஷ்மலோ ரெடியாகிடும்.

இது.., பாதி கீழ்ப்பகுதி, பாதி மேற்பகுதி..

ஸ்ஸ்ஸ்ஸ்ஸ் ஆஆஆஆஆஆஆஆ:)) 

ஊசிக்குறிப்பு

ஸ்ஸ்ஸ்ஸ்ஸ் எனக்குக் காய்ச்சல்:))

[ஆராவது அடிக்க வந்தாலும், இப்பூடிச் சொல்லிப்போட்டுப் போர்த்துக் கொண்டு படுப்பதுதான் இப்போதைய நிலைமைக்கு நல்லது:)]

ஊசி இணைப்பு

“கடவுள், நோய் வரும் முன்னரே மருந்தை அனுப்பி விடுவார்”

இப்படிக்குப் புலாலியூர்ப் பூஸானந்தா:)..

🌷🌷🌷🌷🌷🌷

	Tweet