நானும் விவசாயிதான்:)

நானும் படு பயங்கர உழைப்பாளிதான்:).. இங்கே என் வலது பக்கத்தில் இருக்கும் லேபல்களில்...  “என்னுள்ளே புதைந்து கிடப்பவை”, எனும் லேபலை கொஞ்சம் ஓபின் பண்ணிப் பாருங்கோ தெரியும் என் கை வேலைப்பாடெல்லாம்:)..

சமீபத்தில் எங்கள் வீட்டுக்கு அண்ணன் வந்திருந்தார், அப்போ நான் என் குயிலிங் வேலைகளை எல்லாம் எடுத்துக் காட்டினேன்:), உண்மையில் அசந்து போயிட்டார்... என்ன சூப்பரா இருக்கு, நீ இன்னும் நிறைய செய்து ஓடருக்கு கொடுக்கலாமே என்றிட்டார்ர்... (ஙேஙேஙேஙே.. அஞ்சு கேட்டிருந்தால், என்னை ஓட ஓட அடிச்சிருப்பா:)).

அதுபோலத்தான், இங்கு பலத்த குளிர் எப்பவும் இருக்கும், ஒரே மழை பெய்யும்... இவ்ளோ இன்னல்களுக்கு இடையிலும்... “அடாது மழை பெய்தாலும், விடாது பயிர்ச்செய்கை நடத்துவேன்”:).. எங்க வீட்டுக் கார்டினில் விளைந்த பயிர்களைப் பார்க்க, முதலில்  ரிக்கெட் எடுங்கோ.. கலரி- 50 பவுண்டுகள்.. முதலாம் பெட்டி- 200 , 2ம் பெட்டி- 350, பல்கணி- 500..:).

இது பின் கார்டின் ... இதிலே ஒரு குட்டியூண்டு இடத்தில்தான் பயிர்கள் நடுவோம்:).. இதில் ஊஞ்சல் கட்டியிருக்கும் மரம் பற்றி பெரிய ஒரு கண்ணீர்க் கதை இருக்கு, அதை தனியா சொல்றேன்:).

பூப்பூவாய்ப் பூத்திருக்கு, பார்வையிலே பேப்பிள் பூ, அதிரா கார்டினில் விளைஞ்ச பூ இது என்ன பூ?:)-,  தூதுவளைப்பூவோ?:)

இது வெந்தயக்கீரை

பூசணிக்கொடியை கிச்சின் ஜன்னலில் வைத்து வளர்த்த பெருமை என்னையே சாரும்:).. பூத்துது அழகா, குட்டியா காயும் வந்துது.. தெரியுதெல்லோ படத்தில்.. இதே சைசிலேயே இருந்து வாடிப்போச்ச்ச்ச்:), ஆனா இவ்வருடம்தான் ஒரு அவ்ரிக்கன் பிள்ளை சொல்லிய இடத்தில், அக்கா வீட்டுப் பூசணி இலைகளைச் சுண்டியதாகவும்(வறை) , சூப்பராக இருந்ததாகவும் அம்மா சொன்னா, இது அப்போ தெரிஞ்சிருந்தால் நானும் சமைத்திருப்பேனே:).

இது அவரை மரம், கொடியல்ல... இலைகளுக்கு இடையே கொத்துக் கொத்தாய்க் காய்க்கும், ஆனா இனிப்பானது அதனால இங்குள்ள ஸ்லக் எல்லாம் விடாது கர்:) அதனால் இப்படி உயரத்தில் வைத்திருக்கிறேன்:)

இதுவும் அதே அவரை தான், இது நிலத்திலே, உயரமான ட்ரம் இல் வச்சு வளர்த்தேன்..

 இது, அஞ்சுவும் பங்காளி:) ஆக இருக்கும் பசுமை விடியல் எனும் குரூப்பில் சொல்லியிருந்தார்கள், இப்படி பழைய bag ஐப் பயன்படுத்தி, கிழங்கு செய்யலாம் என, இது கிழங்கை பாதி பாதியாக வெட்டி இப்படி நட்டேன்..

இப்படி வளர்ந்து, இலைகள் பழுப்பு நிறத்துக்கு வந்ததும் (வலது பக்கப் படம்)அறுவடை காலம் என முடிவெடுக்கலாம்

இது நிலத்திலே வேலி ஓரமாக, நீட்டாக ஒரு குட்டி மேடை அமைத்து, கிழங்கும் வெங்காயமும் நட்டேன். மற்றப்பக்கம் புரோக்கோலி, கேல் லீவ்ஸ், கபேஜ் நட்டேன், இப்போ தேடினால் படங்களைக் காணவில்லை.

இப்போ வளர்ந்திட்டினம்.. பார்க்க எவ்ளோ அழகா இருக்கும் தெரியுமோ? இந்த அழகுக்காகவேதான் இப்படி தோட்டம் செய்கிறோம்

இப்போ தெரிகிறதோ என்ன பூ என?:) உருளைக்கிழங்குப் பூக்கள். இது சிவப்புக் கிழங்கு நட்டோம், அதனால சிவப்பு பூக்கள், மற்றும்படி நோர்மல் கிழங்கெனில் வெள்ளைப்பூத்தான் வரும், பெரிசா பூர்ப்பதில்லை அவை.

ஆங்ங் கிழங்கு அறுவடை செய்தாச்சு, இது இயற்கை உரம் மட்டும் போட்டு வளர்ப்பதால் சூப்பர் சுவை..

இவை கரட்:), இடையில் கீரை விதைத்தேன், அவை நன்றாக வரவில்லை, குளிர் அதிகம் என்பதால்.. அழகான குட்டிக் கரட்டுக்கள் வந்தன.

கரட் இலையில் சுண்டல்/வறை செய்வோம் சூப்பராக இருக்கும்.

இவை நான் ஆசைப்பட்டு வைத்த கூஸ்பெரி, சூப்பரா காய்க்கும். எனக்கு நெல்லிக்காய் எனில் பைத்தியம்:), ஆனா இங்கு கிடைக்காது என்பதனால்தான் இந்த வெளிநாட்டு நெல்லி:) வாங்கி வச்சோம். [இப்போ எமக்கு தமிழ்க்கடை இருப்பதனால் நல்ல குண்டு குண்டா நெல்லிக்காய்கள் கிடைக்குதே:)]சின்ன குட்டிக் கன்றுதான் ஆனா நல்லா காய்க்குது.

 வெங்காயம், கீரை, கபேஜ் இலை, கூஸ்பெரி அறுவடை:)

இவை நாங்கள் வளர்ப்பதில்லை:) பக்கத்து வளவில் பற்றையாக வளர்ந்து, எங்கள் வளவை எட்டிப் பார்ப்பினம், நான் வெட்ட விட மாட்டேன், [வலிய வரும் சீதேவியைக் காலால உதைக்கக்கூடாது என அம்மம்மா சொல்லுவா:))]அவை கொத்துக் கொத்தா காய்த்து பழுக்கும்,  Blackberries இங்குள்ளவர்களின் பாசையில் இதை  Brumble apple எனவும் செல்லமாக அழைப்பர்கள்:).

இது இப்போ சுடச்சுட எடுத்த படம், வின்டர் காலம் என்பதால் எல்லாம் காய்ந்ததுபோல இருக்கு... இதில் குட்டியாக 5 அடி சதுரத்தில் , ரெடிமேட் Garden beds என கிடைக்குது, அதை வாங்கி பசளை மண் நிரப்பி, இதிலும் கொஞ்சம் பயிர்கள் நட்டோம், இது நிலப்பூச்சி புழுக்களில் இருந்து பாதுகாக்க..

கிட்டவாக போய் எடுத்தேன், கிட்டத்தட்ட 4 மாதங்களின் பின்பு இப்படம் எடுக்கவே கார்டினில் கால் வைத்தேன் இன்று.. ஆனாலும் புரோக்கோலி, கேல் இல் சிலது, எப்படி வளர்ந்து இந்த ஸ்னோவிலும் நின்று பிடிச்சிருக்குது பாருங்கோ, இனி சுண்டல் செய்வேன் விரைவில்..

இது வேலியோரம் நட்ட Kale leaves and Brocoli, இதுவும் இன்று எடுத்த படம், நேற்றும் இன்றும் இங்கு பயங்கர வெயில்..

ஸ்ஸ்ஸ் அப்பாடா என்னிடம் இருந்த ஸ்ரொக் ஐ எல்லாம் தேடிப் பிடிச்சு இங்கின போட்டுவிட்டேன்.

ஊசிக்குறிப்பு:

	Tweet